21.06.2026 | 17:14
Իրանը ներկայացրել է իր ակնկալիքները ԱՄՆ-ի հետ Շվեյացարիայում կայանալիք բանակցություններից
Թուրք փաստաբանները ՄՔԴ-ից պահանջում են ձերբակալել իսրայելցի որոշ պաշտոնյաների, այդ թվում՝ Նեթանյահուին
Քաղաքականություն
21.11.2023 | 19:27
Մի խումբ թուրք փաստաբաններ պաշտոնապես դիմել է Միջազգային քրեական դատարան՝ Իսրայելի մի շարք բարձրաստիճան պաշտոնյաների, այդ թվում՝ վարչապետ Բենիամին Նեթանյահուին ձերբակալելու պահանջով։ Այս մասին ՏԱՍՍ-ի թղթակցին հայտնել է հայցը նախաձեռնողներից փաստաբան Բուրաք Բեքիրօղլուն։
«Մենք հայտարարություն ենք ներկայացրել ՄՔԴ-ին Իսրայելի պաշտպանության նախարարի, ռազմական կաբինետի, գլխավոր շտաբի պետի, օդային ուժերի հրամանատարի, հարավային շրջանի հրամանատարի դեմ և խնդրել ենք նրանց ձերբակալության օրդեր տալ, այդ թվում՝ վարչապետ Նեթանյահուի»,- ընդգծել է գործակալության զրուցակիցը։
Փաստաբանները միջազգային դատարանից պահանջել են պաշտոնական դատաքննություն նախաձեռնել, վերը նշված անձանց «հանցագործությունների ապացույցներ հավաքել և նրանց Հռոմի ստատուտի դրույթների համաձայն ձերբակալել»։
