02.11.2024 | 15:28
ԱԺ հանձնաժողովի անդամները մասնակցել են ԵՄ խորհրդարանների ԵՄ հարցերով հանձնաժողովների համաժողովին
Չեխիան առաջարկում է սահմանափակել ԵՄ-ում ռուս դիվանագետների տեղաշարժը
Քաղաքականություն
21.11.2023 | 16:40
ԵՄ երկրները քննարկում են Չեխիայի առաջարկը՝ Եվրամիության ներսում ռուս դիվանագետների տեղաշարժի սահմանափակումները մտցնելու վերաբերյալ։ Այս մասին հայտնում է Financial Times-ը, որին վկայակոչում է Meduza-ն։
Պրահան այս առաջարկը բացատրում է ռուսական հետախուզության ենթադրյալ գործակալների դեմ պայքարով։ Լրատվամիջոցի տվյալներով՝ անցյալ շաբաթ Չեխիան ԵՄ երկրների շրջանում փաստաթուղթ է շրջանառել, որում առաջարկում է քննարկել այդ սահմանափակումները Ռուսաստանի դեմ պատժամիջոցների 12-րդ փաթեթի շրջանակում։
Առաջարկի համաձայն՝ ռուս դիվանագետները պետք է ստանան վիզաներ և կեցության թույլտվություններ, որոնք թույլ կտան տեղաշարժվել միայն ընդունող երկրի տարածքում, այլ ոչ ամբողջ Շենգենյան գոտում։ Չեխիան նաև առաջարկել է ընդունել միայն կենսաչափական անձնագրեր, որոնք ավելի դժվար են կեղծվում։
«Չեխիայի տարածք են գալիս Հետախուզության գլխավոր վարչության ու այլ ծառայությունների գործակալները։ Շենգենյան գոտում շատ դժվար է դա վերահսկելը»,- FT-ին ասել է եվրոպացի դիվանագետը։
Լրատվամիջոցը նաև նշում է, որ Չեխիայի առաջարկը գտնվում է քննարման վաղ փուլում։ Ենթադրվում է, որ բարդ իրավական խնդիրների պատճառով այս նախաձեռնությունը դժվար թե հայտնվի պատժամիջոցների 12-րդ փաթեթում։
Էմմա Չոբանյան
