25.02.2026 | 11:20
Եղեգնաձոր համայնքին կվերադարձվի 0.03 հա մակերեսով հողամաս. Դատախազություն
Ստոլտենբերգը Բալկաններում ՌԴ-ին մեղադրել է միջամտության մեջ
Քաղաքականություն
21.11.2023 | 18:09
ՆԱՏՕ-ի գլխավոր քարտուղար Յենս Ստոլտենբերգը Սարաևոյից սկսել է իր քառօրյա այցը Արևմտյան Բալկանների տարածաշրջան՝ մտահոգություն հայտնելով Բոսնիա և Հերցեգովինայում տիրող իրավիճակի վերաբերյալ, գրում է Euronews-ը։
«Մենք մտահոգված ենք անջատողական և պառակտող հռետորաբանությամբ, ինչպես նաև արտաքին վնասակար միջամտությամբ, այդ թվում՝ Ռուսաստանի կողմից: Այս իրավիճակը սպառնում է խաթարել կայունությունը և խոչընդոտել բարեփոխումներին»,- ասել է ՆԱՏՕ-ի գլխավոր քարտուղարը։
Սարաևոյից Ստոլտենբերգը մեկնել է Պրիշտինա, որտեղ խոստացել է օգնել Բելգրադի հետ լարվածության կարգավորմանը։
«Մենք կանենք անհրաժեշտ ամեն ինչ Կոսովոյի բոլոր մարդկանց համար հանգիստ, անվտանգ միջավայր և ազատ տեղաշարժ պահպանելու համար։ Տարածաշրջանում կայունությունը կախված է բոլոր կողմերից բռնության փոխարեն դիվանագիտությունն ընտրելու կամքից և առկա պարտավորությունների կատարումից»,- հայտարարել է Ստոլտենբերգը։
Այսօր Բելգրադում նախատեսված է Հյուսիսատլանտյան դաշինքի գլխավոր քարտուղարի հանդիպումը Սերբիայի նախագահ Ալեքսանդր Վուչիչի հետ։
