08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
ԼՂ-ից տեղահանվածներից շատերը հիվանդություններ ունեն Ադրբեջանի կողմից Լաչինի միջանցքի փակման հետևանքով. ԱՄՆ ՄԶԳ պաշտոնյա. ՏԵՍԱՆՅՈՒԹ
Քաղաքականություն
15.11.2023 | 19:25
ԱՄՆ միջազգային զարգացման գործակալության Եվրասիայի և Եվրոպայի բյուրոյի ղեկավարի փոխտեղակալ Ալեքսանդր Սոկոլովսկին Կոնգրեսում «Լեռնային Ղարաբաղի ապագան» խորագրով լսումների ժամանակ ունեցած ելույթում նշեց, որ ԱՄՆ-ն ու գործընկերներն աշխատել են՝ արձագանքելու իրավիճակին Արցախում։
Նա նշեց, որ ամիսներ շարունակ իրավիճակը ծայրահեղ էր Լաչինի միջանցքի շրջափակման հետևանքով ու ավելի վատացավ հումանիտար իրավիճակը սեպտեմբերի ռազմական գործողությունների հետևանքով։
«Սա հանգեցրեց, որ 100,000 էթնիկ հայեր լքեն Լեռնային Ղարաբաղը երկու շաբաթվա ընթացքում։ Այդ տեղահանված մարդկանցից շատերն ունեն էմոցիոնալ սթրես ու քրոնիկ հիվանդություն Ադրբեջանի կողմից Լաչինի միջանցքի փակման հետևանքով»,- ասաց նա։
Սոկոլովսկին նաև հիշեցրեց, որ ՄԶԳ ղեկավար Սամանթա Փաուերն անմիջապես այցելել է Երևան՝ աջակցելու Հայաստանին ու Լեռնային Ղարաբաղից տեղահանվածների։ Փաուերն այցելել է նաև Բաքու՝ նախագահ Ալիևին խորը մտահոգություն արտահայտելու ԼՂ-ում Ադրբեջանի կողմից ուժի կիրառման հետ կապված։
Ամերիկացի պաշտոնյան նաև հայտնեց, որ 11,5 մլն դոլարից զատ՝ հավելյալ 6 մլն կհատկացվի հումանիտար ճգնաժամի հետևանքների համար։
Մանրամասները՝ տեսանյութում։
