16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Ըստ Պուտինի՝ որոշ երկրներ փորձում են «խաթարել ԱՊՀ երկրներում լեգիտիմ իշխանությունը»
Քաղաքականություն
08.11.2023 | 12:06
Որոշ երկրներ փորձում են խաթարել «օրինական իշխանությունը, ավանդական արժեքները և, ընդհանուր առմամբ, իրավիճակը ԱՊՀ երկրներում։ Այս մասին ՌԴ նախագահ Վլադիմիր Պուտինը հայտարարել է ԱՊՀ Անվտանգության խորհրդի քարտուղարների հանդիպման մասնակիցներին ուղղված տեսաուղերձում, փոխանցում է ՏԱՍՍ-ը։
«Գլոբալ անկայունությունն իր արտացոլումն է գտնում նաև Եվրասիայում։ Ավելին, որոշ երկրների գործողություններ ուղղված են ԱՊՀ երկրներում լեգիտիմ իշխանությունը, սոցիալական կայունությունը և ավանդական արժեքները, մեր ավանդական սերտ առևտրային, մշակութային կապերը խաթարելուն»,- ասել է նա։
Պուտինը նշել է, որ ԱՊՀ երկրների համար ընդհանուր սպառնալիքներ են շարունակում մնալ ահաբեկչությունն ու կազմակերպված հանցավորությունը, թմրամիջոցների ապօրինի շրջանառությունը և անօրինական միգրացիան, արմատականությունն ու ծայրահեղականությունը, ինչպես նաև ռիսկերը տնտեսական, տեղեկատվական, տեխնոլոգիական և կենսաբանական անվտանգության ոլորտում։
«Այս ամենը պահանջում է ոչ միայն համակարգված կոլեկտիվ արձագանք, այլ նաև մեծ կանխարգելիչ աշխատանք: Մասնավորապես, կարևոր է լիարժեք օգտագործել անվտանգության խորհուրդների կանխատեսման, տեղեկատվական և վերլուծական ներուժը ԱՊՀ տարածքում և ամբողջ աշխարհում իրավիճակը խորը և համապարփակ ուսումնասիրելու համար, հստակ սահմանել առաջնահերթությունները, ռազմավարական պլանավորման փաստաթղթերի ժամանակին ճշգրտումները»,- նշել է նա։
