Քաղաքականություն
06.11.2023 | 21:29
Երևանի քրեական դատարանը Տաթևիկ Վիրաբյանի նկատմամբ խափանման միջոց կիրառեց տնային կալանքը: Վերջինս քրեակատարողական հիմնարկից ազատ կարձակվի առաջիկա օրերին: Այս մասին հայտնում է Վիրաբյանի պաշտպան Արսեն Բաբայանը:
Հիշեցնենք, որ 44-օրյա պատերազմում զոհված Գևորգ Վիրաբյանի քույրը` Տաթևիկ Վիրաբյանը, կալանավորվել է Արցախում սեպտեմբերին տեղի ունեցած դեպքերից հետո ՀՀ կառավարության դիմաց տեղի ունեցած ցույցերի ընթացքում: Նա մեղադրվում է զանգվածային անկարգության կոչեր հնչեցնելու և այդ անկարգություններին մասնակցելու մեջ։ Վիրաբյանը մեղադրանքը չի ընդունում:
Արաքս Մամուլյան
