15.11.2024 | 23:17
Նոյոմբերի 18-ին Հայաստանի մի շարք հասցեներում էլեկտրաէներգիայի անջատումներ կլինեն
Ադրբեջանում ընթանում է Վագիֆ Խաչատրյանի շինծու գործով հերթական դատական նիստը
Քաղաքականություն
06.11.2023 | 11:13
Ադրբեջանում շարունակվում է Լաչինի միջանցքից առևանգված Վագիֆ Խաչատրյանի շինծու գործով հերթական դատական նիստը։ Ադրբեջանական լրատվամիջոցների հաղորդմամբ՝ այն ընթանում է Յասամալի շրջանային դատարանի վարչական շենքում, նախագահում է Բաքվի ռազմական դատարանի դատավոր Զեյնալ Աղաևը։
Սպասվում է, որ դատական քննությունն այսօր ավարտվելու է, որից հետո դատախազը պատժաչափ է պահանջելու։ Չնայած տուժողների մտացածին ցուցմունքներին ու ճնշումներին, Խաչատրյանը շարունակում է հերքել իրեն վերագրվող մեղադրանքները։
Հիշեցնենք՝ Կարմիր Խաչի միջազգային կոմիտեի ուղեկցությամբ հուլիսի 29-ին բուժման նպատակով Արցախից Հայաստան տեղափոխվող Վագիֆ Խաչատրյանն առևանգվել էր Լաչինի միջանցքի ապօրինի անցակետում։ Այնուհետև Բաքուն նրան շինծու մեղադրանքներ էր առաջադրել «զանգվածային սպանությունների» համար։
