02.11.2024 | 13:09
Նոյեմբերի 1-ին «Երևանի ավտոբուս» ՓԲԸ-ի կողմից հավաքագրվել է 31 678 200 ՀՀ դրամ
ԱՄՆ-ը պատժամիջոցներ է սահմանել Թուրքիայի, Չինաստանի, ԱՄԷ-ի ընկերությունների դեմ՝ ՌԴ-ի պատերազմին աջակցելու համար
Քաղաքականություն
03.11.2023 | 16:24
ԱՄՆ-ը հայտարարել է ֆիզիկական անձանց և ընկերությունների դեմ պատժամիջոցների սահմանման մասին, որոնց մեղադրում է Ուկրաինայի դեմ Ռուսաստանի պատերազմին աջակցելու մեջ։ Պատժամիջոցների ցանկում Թուրքիայի, Չինաստանի և Արաբական Միացյալ Էմիրությունների ընկերություններ են, գրում է AFP-ն։
ԱՄՆ Ֆինանսների դեպարտամենտն ասում է, որ Ռուսաստանն օֆշորային ճանապարհով դուրս է բերել տեխնոլոգիաների, սարքավորումների և այլ ապրանքների արտադրությունը, որոնք անհրաժեշտ են իր բանակի համար՝ այդ ապրանքները ձեռք բերելու համար հենվելով այլ երկրների մատակարարների վրա։
«Ռուսաստանը կախված է երրորդ երկրների պատրաստակամ անհատներից և կազմակերպություններից՝ իր զինուժը համալրելու և Ուկրաինայի դեմ նողկալի պատերազմը շարունակելու համար, և մենք չենք վարանի նրանց պատասխանատվության ենթարկելու հարցում»,- ասվում է ֆինանսների նախարար Ջանեթ Յելենի հայտարարության մեջ:
Նշվում է, որ Չինաստանի, Թուրքիայի և ԱՄԷ-ի ընկերությունները Ռուսաստան են ուղարկում երկակի նշանակության ապրանքներ, ինչպիսիք են կարևոր բաղադրիչները, որոնց վրա Մոսկվան հենվում է իր զենքի համակարգերի համար:
Վերջին պատժամիջոցները ներառում են 130 նոր թիրախ։ Նրանց թվում են Թուրքիայի քաղաքացի Բերք Թյուրքենը՝ ռուսական հետախուզական ծառայությունների հետ կապեր ունեցող գնումների ցանցում իր դերի համար, ինչպես նաև ԱՄԷ-ում տեղակայված մի ցանց՝ ռուսական ապօրինի ֆինանսավորմանը ենթադրյալ ներգրավվածության համար։
Էմմա Չոբանյան
