18.12.2025 | 12:34
Վրաստանն արգելել է իր քաղաքացիներին քվեարկել արտասահմանում գտնվելու ընթացքում
Հյուսիսային Կորեան, հնարավոր է, բալիստիկ հրթիռներ է փոխանցել ՌԴ-ին․ AP
Քաղաքականություն
03.11.2023 | 15:51
Հյուսիսային Կորեան, ի լրումն հրետանային արկերի, հնարավոր է՝ Ռուսաստանին մի քանի տեսակի հրթիռներ է տրամադրել՝ Ուկրաինայի դեմ պատերազմելու համար։ Այս մասին գրում է Associated Press-ը՝ վկայակոչելով հարավկորեական զինվորականներին։
Ըստ նրանց՝ ռուսական բանակը կարող է ստանալ «չճշտված քանակով» կարճ հեռահարության բալիստիկ հրթիռներ, հակատանկային հրթիռներ և դյուրակիր զենիթային հրթիռներ, ինչպես նաև հրացաններ, հրթիռային կայաններ, ականանետեր և արկեր։
Հյուսիսային Կորեան ձգտում է ընդլայնել համագործակցությունը Ռուսաստանի և Չինաստանի հետ՝ Միացյալ Նահանգների հետ անվտանգության լարվածության և համաճարակի հետևանքով առաջացած ներքին դժվարությունների ֆոնին: ԿԺԴՀ-ի ակնհայտ տնտեսական խնդիրների մասին են խոսում որոշ օտարերկրյա դիվանագիտական ներկայացուցչությունների փակման ծրագրերը, նշում է AP-ն։
Նախօրեին Bloomberg-ը, վկայակոչելով հարավկորեական հետախուզությանը, հայտնել էր, որ Հյուսիսային Կորեան ավելի քան մեկ միլիոն հրետանային արկ է ուղարկել Ռուսաստան, որը ռուսական բանակը, ըստ ամենայնի, արդեն օգտագործում է Ուկրաինայի դեմ պատերազմում։
