02.11.2024 | 17:34
ՀՀ առողջապահության և էկոնոմիկայի նախարարները քննարկել են Հայաստանում առողջապահական զբոսաշրջության զարգացման միտումները
Ցուցադրական հակառուսական ժեստ է. Զախարովան՝ Մալթայում Գրիգորյան-Երմակ հանդիպման մասին․ ՏԵՍԱՆՅՈՒԹ
Քաղաքականություն
02.11.2023 | 14:57
ՌԴ ԱԳՆ պաշտոնական ներկայացուցիչ Մարիա Զախարովան ցուցադրական հակառուսական քայլ է անվանել Հայաստանի Անվտանգության խորհրդի քարտուղար Արմեն Գրիգորյանի և Ուկրաինայի նախագահի գրասենյակի ղեկավար Անդրեյ Երմակի հանդիպումը Մալթայում։ Այս մասին Զախարովան հայտարարել է իր ամենշաբաթյա ճեպազրույցի ժամանակ։
«Եթե խոսում եք Մալթայում, այսպես կոչված, Կոպենհագենյան ձևաչափով հանդիպման մասին, ապա մենք դա համարում ենք պաշտոնական Երևանի կողմից ցուցադրական հակառուսական ժեստ»,- ասել է Զախարովան։
Նա նաև հիշեցրել է ՀՀ վարչապետի տիկին Աննա Հակոբյանի՝ Ուկրաինայի այցի մասին։
«Երևանում, կարծում եմ, պետք է իրենց հաշիվ տան մեր երկրին ագրեսիվ ընդդիմացողների հետ ցուցադրական սիրախաղի հարցում։ Այստեղ այլ սահմանում չկա: Ցավալի է, որ հանրապետության ներկայիս ղեկավարությունը նպատակաուղղված և համառորեն քանդում է մեր դաշնակցային հարաբերությունները, որոնք ոչ վաղ անցյալում հենց ինքն էր անվանում Հայաստանի կայունության և բարգավաճման ամենակարևոր գործոնը»,- ասել է Զախարովան։
Մանրամասները՝ տեսանյութում։
