02.11.2024 | 17:34
ՀՀ առողջապահության և էկոնոմիկայի նախարարները քննարկել են Հայաստանում առողջապահական զբոսաշրջության զարգացման միտումները
Գազայից ևս 500 մարդու թույլ կտան հեռանալ
Քաղաքականություն
02.11.2023 | 11:55
Եգիպտոսի հետ սահմանային «Ռաֆահ» սահմանային անցակետից, ինչպես ակնկալվում է, այսօր նույնպես մարդկանց թույլ կտան Գազայից անցնել դեպի հարավ, սակայն ոչ բոլորին, գրում է BBC-ի ռուսական ծառայությունը։
Այսօր, ինչպես և նախօրեին, անցակետում կլինի Եգիպտոսի կողմից հաստատված շուրջ 500 մարդու անուն, ում կթույլատրվի հեռանալ Գազայի հատվածից։
Եգիպտոսը վճռականորեն չի ցանկանում թույլ տալ Գազայից պաղեստինցիներին զանգվածաբար փախչել իր տարածք, և համաձայնել է թույլատրել միայն օտարերկրացիներին և ծանր վիրավորներին տեղափոխող մեքենաներին անցնել «Ռաֆահ» անցակետով:
BBC-ի թղթակցի փոխանցմամբ՝ նախօրեին ավելի քան 400 մարդ է կարողացել փախչել Գազայից։ Ընդ որում, առաջին օրը շատերը չգիտեին, որ կա «ելքի թույլտվության» ցուցակ, և եթե որևէ անձի անունը չկա այդ ցուցակում, ապա նրան թույլ չեն տա մուտք գործել Եգիպտոս։
