26.04.2026 | 15:53
Վթարային ջրանջատում Արմավիրի և Կոտայքի մարզերում
Իտալիան մեղադրել է Թուրքիային՝ փախստականների հոսքը կանխելու հանձնառությունը չկատարելու մեջ
Քաղաքականություն
26.07.2018 | 10:51
Իտալիայի ներքին գործերի նախարար Մատեո Սալվինին Թուրքիային մեղադրել է փախստականների անօրինական հոսքը դեպի Եվրոպա կանխելու իր հանձնառությունը չկատարելու մեջ. տեղեկացնում է ermenihaber-ը:
Իտալացի նախարարի խոսքով՝ 2018թ․ տարեսկզբից մինչ օրս Թուրքիայից Իտալիա է գաղթել 1200 փախստական։
«Տարեսկզբից մինչև հիմա ծովային ճանապարհով Թուրքիայից 1200 փախստական է ներգաղթել։ Եվրամիությունը անօրինական գաղթը վերահսկելու նպատակով Թուրքիային 6 մլրդ եվրո աջակցություն է տրամադրել։ Այստեղ ինչ-որ բան այն չէ։ Արդյո՞ք որոշները թերանում են իրենց պարտականությունները կատարելու հարցում», – ասել է Սալվինին։
Հիշեցնենք, որ 2016թ․ Թուրքիայի և Եվրամիության միջև ստորագրված պայմանագրով Թուրքիան պարտավորվել է կանխել սիրիացի փախստականների անօրինական արտագաղթը դեպի եվրոպական երկրներ։
