16.12.2025 | 13:33
Արման Ծառուկյանի մրցակիցը փոխվել է
ՀԱՄԱՍ-ի և Իսրայելի միջև պատերազմի մեկնարկից ի վեր մամուլի 31 աշխատակցի կորուստ է արձանագրվել
Քաղաքականություն
31.10.2023 | 18:06
Լրագրողների պաշտպանության ամերիկյան կոմիտեն (CPJ) հաշվարկել է, որ իսրայելա-պաղեստինյան պատերազմի 24 օրերի ընթացքում արդեն մահացել է մամուլի 31 աշխատակից։ Կոմիտեն ընդգծում է, որ դեռևս հայտնի չէ, թե սպանվածներից քանիսն են մահվան պահին մասնագիտական գործունեությամբ զբաղվել։
Մահացած մամուլի աշխատակիցների թվում, ըստ CPJ-ի, եղել են 26 պաղեստինցի արաբներ, չորս իսրայելցիներ և մեկ լիբանանցի: Պաղեստինցիների ճնշող մեծամասնությունը, ըստ կոմիտեի, զոհվել է տանը՝ Իսրայելի օդային և հրետանային հարձակումների հետևանքով։
Յոթ մահացած պաղեստինցիների մասին հակիրճ տեղեկատվության մեջ նշվում է, որ նրանք աշխատել են ՀԱՄԱՍ-ի հետ կապված լրատվամիջոցների համար։
Բոլոր չորս իսրայելցիները մահացել են հոկտեմբերի 7-ին ՀԱՄԱՍ-ի գրոհայինների ձեռքով։
Լիբանանյան Reuters-ի օպերատոր Իսսամ Աբդալլան մահացել է լիբանանա-իսրայելական սահմանի մոտ՝ իսրայելական կողմի կրակից։
Ըստ CPJ-ի՝ պատերազմի 24 օրերի ընթացքում մամուլի ութ աշխատակից վիրավորվել է, ևս երկուսը համարվում է անհետ կորած։
