24.02.2026 | 15:01
«Մարտի 1»-ի գործով հնարավոր է նոր մեղադրյալներ լինեն // Ձերբակալվել է 143 մանկապարտեզի տնօրենը․ ԼՈՒՐԵՐ
ՌԴ-ն Բախմուտում պաշտպանությունից անցել է ակտիվ գործողությունների․ Սիրսկի
Քաղաքականություն
30.10.2023 | 19:35
Ռուսական զորքերն ուժեղացրել են իրենց խմբավորումը Դոնեցկի շրջանի Բախմուտի մերձակայքում և անցել ակտիվ մարտական գործողությունների։ Այս մասին հայտարարել է Ուկրաինայի ԶՈւ ցամաքային զորքերի հրամանատար Ալեքսանդր Սիրսկին, գրում է BBC-ի ռուսական ծառայությունը։
«Արևելքում իրավիճակը շարունակում է ծանր մնալ։ Հակառակորդը չի հրաժարվում հաջողության հասնելու փորձերից և ամեն օր գրոհում է մեր դիրքերը։ Առանձնակի ակտիվություն է ցուցաբերում Կուպյանսկի շրջանում, որտեղ փորձում է առաջ շարժվել միանգամից մի քանի ուղղություններով։ Բախմուտի շրջանում հակառակորդը զգալիորեն ուժեղացրել է իր խմբավորումը և պաշտպանությունից անցել ակտիվ գործողությունների»,- ասել է Սիրսկին «Ինտերֆաքս-Ուկրաինա»-ին տված հարցազրույցում։
Նրա խոսքով՝ ռուս զինվորականներն օդադեսանտային ստորաբաժանումների միջոցով փորձում են կասեցնել ուկրաինական զորքերի առաջխաղացումը և վերականգնել կորցրած դիրքերը։ Ըստ ուկրաինացի գեներալի՝ ռուսական բանակն իր գործողություններին աջակցում է ծանր հրետանային և ականանետային կրակոցներով։
«Կամիկաձե անօդաչու թռչող սարքերի օգտագործումը մշտապես աճում է»,- ասել է նա:
Միաժամանակ, ըստ Սիրսկիի, ռուս զինվորականները չեն հասնում իրենց նպատակներին և մեծ կորուստներ են կրում։
