19.12.2025 | 16:49
Ինձ չեն ստիպել, ես եմ դիմում գրել, դուրս եկել. Աղազարյանի որդին՝ ՔՊ-ից և աշխատանքից դուրս գալու մասին․ ՏԵՍԱՆՅՈՒԹ
Իսրայելական տանկեր են նկատվել Գազայի ծայրամասում
Քաղաքականություն
30.10.2023 | 16:09
Իսրայելի պաշտպանության բանակի տանկերը նկատվել են Գազա քաղաքի արվարձաններում, որը Գազայի հատվածի բնակչության ամենամեծ կենտրոնն է, հայտնում է AFP-ն՝ վկայակոչելով ականատեսներին։ Նրանց տվյալներով՝ տանկերը փակել են անկլավի հյուսիսային ու հարավային շրջանները միացնող գլխավոր ճանապարհը, փոխանցում է The Times of Israel-ը։
Իսրայելի բանակի խոսնակ Դանիել Հագարին էլ ճեպազրույցի ժամանակ ասել է, որ Իսրայելի բանակը գործում է ըստ պլանի և աստիճանաբար առաջ է շարժվում։
Հագարին չի մեկնաբանել Իսրայելի պաշտպանության բանակի ցամաքային զորքերի գտնվելու վայրը այն բանից հետո, երբ տեղեկություններ են հայտնվել Գազայի գլխավոր ճանապարհով տանկերի տեղաշարժի մասին։
Իսրայելի և Գազայի հատվածը վերահսկող պաղեստինյան ՀԱՄԱՍ շարժման միջև պատերազմը շարունակվում է հոկտեմբերի 7-ից։ Այն սկսվել է այն բանից հետո, ինչ պաղեստինյան շարժումը հարյուրավոր հրթիռներ արձակեց Իսրայելի տարածքի ուղղությամբ՝ ներխուժելով որոշ բնակեցված տարածքներ և պատանդներ վերցնելով: Իսրայելը պատասխանել է ռազմական գործողությամբ՝ հայտարարելով ցամաքային մարտերի նախապատրաստման մասին։
