10.04.2026 | 21:00
Կալուգացի օլիգարխի զարմիկը երբ ասում է երաշխավոր՝ նկատի ունի տեր․ իսկ իրենց տերը հայտնի է՝ ով է․ Ռուբեն Ռուբինյան. ՏԵՍԱՆՅՈՒԹ
Բլինքենը Թուրքիայի ԱԳ նախարարի հետ քննարկել է Գազայում իրավիճակն ու ՆԱՏՕ-ի ընդլայնումը
Քաղաքականություն
30.10.2023 | 13:47
ԱՄՆ պետքարտուղար Էնթոնի Բլինքենը հեռախոսազրույց է ունեցել Թուրքիայի ԱԳ նախարար Հաքան Ֆիդանի հետ։ Ամերիկյան կողմի հաղորդմամբ՝ «պետքարտուղարը կրկին դատապարտել է ՀԱՄԱՍ-ի բարբարոսական ահաբեկչությունն Իսրայելի դեմ»։
Զրուցակիցները քննարկել են տարածաշրջանի ղեկավարների հետ ներգրավվածության անհրաժեշտությունը՝ կանխելու Իսրայել-ՀԱՄԱՍ հակամարտության տարածումը, ապահովելու պատանդների ազատ արձակումը և մարդասիրական օգնություն հավաքագրումը։
Բլինքենը կիսվել է նաև ԱՄՆ նախագահ Ջո Բայդենի հայտարարությամբ, որ Միացյալ Նահանգները 100 միլիոն դոլարի մարդասիրական օգնություն կտրամադրի Պաղեստինի ժողովրդին Գազայում և Արևմտյան ափում: Բացի այդ, զրուցակիցները քննարկել են ՆԱՏՕ-ին Շվեդիայի անդամակցության հարցում առաջընթացը։
«Ես խոսել եմ Թուրքիայի արտգործնախարար Հաքան Ֆիդանի հետ՝ քննարկելու Գազայում իրավիճակի սրացումը կանխելու, պատանդների ազատ արձակումն ապահովելու և մարդասիրական օգնության մոբիլիզացման մեր ջանքերը: Բացի այդ, մենք քննարկել ենք Շվեդիայի անդամակցությունը ՆԱՏՕ-ին»,- զրույցից հետո X-ում գրել է Էնթոնի Բլինքենը։
Էմմա Չոբանյան
