24.11.2024 | 16:07
1 մլրդ դրամ՝ Երևանի ու մարզերի թատրոնների, համերգային դահլիճների, նվագախմբերի համար գույք, տեխնիկա գնելու համար․ ՏԵՍԱՆՅՈՒԹ
Ուկրաինան հարձակում է իրականացրել Կրասնոդարի երկրամասի նավթավերամշակման գործարանի վրա
Քաղաքականություն
30.10.2023 | 13:36
Կրասնոդարի երկրամասի Աֆիպսկի նավթավերամշակման գործարանը, որտեղ կիրակի գիշերը հրդեհ է բռնկվել, հարձակման է ենթարկվել Ուկրաինայի անվտանգության ծառայության երկու անօդաչու սարքերի կողմից։ Այս մասին BBC-ի ռուսական ծառայությանը հայտնել է ուկրաինական հատուկ ծառայություններում աղբյուրը:
Գործարանում բռնկված հրդեհի հետևանքով, որը վառելիք էր մատակարարում ռուսական զորքերին, վնասվել են թանկարժեք սարքավորումներ, հայտնել են աղբյուրները:
«Նման օբյեկտները կարևոր թիրախ են: Ի վերջո, միայն անցած տարի ձեռնարկությունն արտադրել է ավելի քան 7 միլիոն տոննա ավիացիոն վառելիք, որն օգտագործվում էր թշնամու ռազմական ինքնաթիռների համար, որոնք ամեն օր հարձակվում են Ուկրաինայի վրա»,- ասել է BBC-ի զրուցակիցներից մեկը։
Ուկրաինայի անվտանգության ծառայությունների հատուկ գործողության արդյունքում խոցվել են գործարանի մի քանի նոր կայանքներ, որտեղ վերամշակվել է նման վառելիք, ինչպես նաև հրդեհվել է նավթի մի քանի տանկեր, հայտնում են աղբյուրները։
