03.08.2026 | 23:30
Տաթև-Լծեն ավտոճանապարհին բեռնատարը դուրս է եկել երթևեկելի հատվածից և բախվել հողաթմբին
Քերոբյանը բրիտանացի գործընկերների հետ քննարկել է ՀՀ-ում առևտրի պալատների համակարգն առավել արդյունավետ դարձնելու հարցը
Տնտեսություն
28.10.2023 | 15:35
Էկոնոմիկայի նախարար Վահան Քերոբյանը Լոնդոնում հանդիպել է Մեծ Բրիտանիայի առևտրի պալատի ներկայացուցիչների հետ. Քերոբյանն այս մասին գրել է «Ֆեյսբուք»-ի իր էջում։
«Խոսել ենք Հայաստանում առևտրի պալատների համակարգն առավել արդյունավետ դարձնելուն ուղղված բարեփոխումների մասին, որոնք թույլ կտան բարձրացնել վերջիններիս գործունեության արդյունավետությունը։
Հայաստանի և Մեծ Բրիտանիայի միջև առևտրային և գործարար կապերի ընդլայնման գործում կարևորել ենք տեղեկատվության փոխանակման և կազմակերպվող ոլորտային ցուցահանդեսներին գործարարների առավել ակտիվ մասնակցության անհրաժեշտությունը»,-գրել է Քերոբյանը։
Բացի այդ, Էկոնոմիկայի նախարարը հանդիպել է JP Morgan խոշորագույն բանկային և ներդրումային կորպորացիայի ներկայացուցիչների հետ և քննարկել կորպորատիվ բիզնեսի համար միջազգային շուկաների հասանելիության ապահովմանը վերաբերող հարցեր:
«Անդրադարձել ենք նաև գյուղատնտեսության, արդյունաբերության, հեռահաղոդակցության և այլ ոլորտների կազմակերպություններին վերաբերող ծրագրերի իրականացման համար միջազգային շուկաներից ներդրումների ներգրավման հնարավորություններին»,-գրել է Քերոբյանը։
