23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
ՔՆՆԱՐԿՈՒՄ․ Կրեմլի պրոպագանդայի թիրախում՝ Փաշինյանը և ՀՀ անկախությունը․ ո՞րն է Երևանի պատասխանը
Քաղաքականություն
27.10.2023 | 21:02
Ռուսական պետական հեռուստաալիքները, վերջին շրջանում հատկապես, ուժգնացրել են Հայաստանի անկախության և պետականության, Հայաստանի պաշտոնյաների, հասարակական հատվածի ներկայացուցիչների դեմ քարոզչությունը։ Ռուսական Առաջին ալիքի «Ժառանգ Տուտիի տիկնիկները» հաղորդման հակահերոսը Նիկոլ Փաշինյանն էր, որը, ըստ Կրեմլի, կրում է 1 միլիոն դոլարանոց ժամացույց, հայտարարել է, որ պետք է ազատվել Լեռնային Ղարաբաղից, որը ՆԱՏՕ-ի զորքեր է բերել Հայաստան, որը 2018-ի ապրիլի հեղափոխության օրերին ոչ թե փշալարից վնասել էր ձեռքը և վիրակապել, այլ՝ հատուկ քաղտեխնոլոգիա էր կիրառում։
Ռուսական քարոզչությունը ոչ միայն աչքի է ընկնում կեղծ փաստերով և իրադարձությունների մանիպուլյատիվ մեկնաբանմամբ, այլև Հայաստանի ներքաղաքական գործերին է միջամտում։ Օրինակ՝ սեպտեմբերի 19-20-ին ներքաղաքական կյանքի թեժացման պահին ռուսական ալիքներով կոչեր էին հնչում իշխանափոխության, քարոզչություն էր տարվում ՀՀ-ի՝ սուվերեն որոշումներ կատարելու գաղափարի դեմ, Արցախի հայաթափման մեղքը դրվում էր ՀՀ-ի վրա, չնայած Ադրբեջանն էր սկսել պատերազմը և հայաթափել ՌԴ խաղաղապահների աչքի առաջ։
Փաստորեն, ՀՀ հարկատուները վճարում են, որ հանրային մուլտիպլեքսով Հայաստանի դեմ կեղծ քարոզչություն հնչեցվի, թիրախավորվեն ՀՀ պաշտոնյաներ և քաղհասարակության անդամներ։
Ինչքա՞ն սա կարող է շարունակվել, ի՞նչ անել։ Factor TV-ի տաղավարում հրավիրված քննարկմանը մասնակցում են Mediamax-ի գլխավոր խմբագիր Դավիթ Ալավերդյանը, ռեժիսոր Ռուբեն Բաբայանը, Հեռուստատեսության և ռադիոյի հանձնաժողովի անդամ Հակոբ Մովսեսը, «Հանուն հավասար իրավունքների կենտրոն» ՀԿ ղեկավար Գայանե Աբրահամյանը, քաղաքագետ Հարություն Մկրտչյանը։
Մանրամասները՝ տեսանյութում։
