23.02.2026 | 23:30
Ադրբեջանը նույնպես հետաքրքրություն է հայտնել Եվրոպական խաղաղության գործիքակազմի շրջանակներում օգնություն ստանալու հարցում
Թուրքիան մի շարք երկրների ղեկավարների հրավիրել է Ստամբուլ՝ մասնակցելու Պաղեստինին նվիրված մեծ հանրահավաքին
Քաղաքականություն
27.10.2023 | 22:02
Թուրքիայում Պաղեստինին նվիրված մեծ հանրահավաքի նախապատրաստական աշխատանքները շարունակվում են։ Այն անցկացվելու է վաղը Ստամբուլում իշխող կուսակցության նահանգային գրասենյակի կողմից՝ ի նշան բողոքի Գազայի հատվածում Իսրայելի հարձակումների դեմ։ Հանրահավաքին մասնակցելու է Թուրքիայի նախագահ Ռեջեփ Թայիփ Էրդողանն ու իշխող ուժի ներկայացուցիչները։
Sabah-ը, վկայակոչելով իր աղբյուներին, հայտնում է, որ միջոցառմանը հրավիրվել են նաև օտարերկրյա պետությունների ղեկավարներ։
Նշվում է, որ պետությունների ղեկավարների մակարդակով հրավերներ են ուղարկվել Սաուդյան Արաբիայի թագաժառանգ Մուհամմեդ բեն Սալմանին և Եգիպտոսի նախագահ Աբդել Ֆաթահ ալ-Սիսիին, ինչպես նաև Լիբիայի, Լիբանանի և Հորդանանի ղեկավարներին։
Ակնկալվում է, որ միլիոնավոր մարդիկ են մասնակցելու հանրահավաքին, որտեղ կուսակցական դրոշներ չեն օգտագործվելու։
Էմմա Չոբանյան
