15.09.2026 | 21:24
Հրապարակվել են հոկտեմբերի 25-ին կայանալիք ՏԻՄ ընտրությունների ընտրողների ցուցակները
Չինաստանը պատրաստ է ամրապնդել համագործակցությունն ու կապերը ՀԱՊԿ երկրների հետ
Քաղաքականություն
26.10.2023 | 20:21
Չինաստանը պատրաստ է ամրապնդել համագործակցությունն ու կապերը ՀԱՊԿ երկրների հետ: Մինսկում կայացած համաժողովում այս մասին ասել է Բելառուսում Չինաստանի դեսպանատան գործերի ժամանակավոր հավատարմատար Լուո Շիսյոնգը, գրում է Սպուտնիկի ղազախական ծառայությունը։
«Չինական կողմը պատրաստ է ամրապնդել կապերն ու համագործակցությունը ՀԱՊԿ անդամ և այլ երկրների հետ, նպաստել երկկողմ հարաբերությունների շարունակական զարգացմանն ու մեծ արդյունքների հասնել երկկողմ և բազմակողմ համագործակցության մեջ»,- ասել է դիվանագետը։
Լուո Շիսյոնգը նշել է, որ ՀԱՊԿ-ն «ակտիվ ներդրում ունի» տարածաշրջանային անվտանգության ապահովման գործում։ Նրա խոսքով՝ դաշինքի անդամ բոլոր երկրները «Չինաստանի լավ բարեկամներն ու վստահելի գործընկերներն են»։
Հավելենք, որ հոկտեմբերի 26-27-ին Մինսկում անցկացվում է «Եվրասիական անվտանգություն. իրականություն և հեռանկարներ փոխակերպվող աշխարհում» միջազգային բարձր մակարդակի համաժողովը։
