15.09.2026 | 20:30
«Էդ տեսակի հետ ինչ խոսես»․ Առուշանյանի ճանապարհը դեպի Փաշինյանի «Համերաշխություն». ՏԵՍԱՆՅՈՒԹ
Հյուսիսային Կորեայից զինամթերքն արդեն հասել է Ռուսաստան․ բրիտանական հետախուզություն
Քաղաքականություն
26.10.2023 | 13:22
Մեծ Բրիտանիայի հետախուզությունն իր ամենօրյա ամփոփագրւմ նշում է, որ չնայած ռուսական կողմը հերքում է Հյուսիսային Կորեայից զինամթերքի մատակարարումների մասին վերջին հաղորդագրությունները՝ դրանք «գրեթե անկասկած» արդեն հասել են արևմտյան Ռուսաստանի պահեստներ, գրում է BBC-ի ռուսական ծառայությունը։
Նշվում է, որ եթե Փհենյանը կարողանա պահպանել մատակարարման այս մակարդակն ու արագությունը (ավելի քան 1000 կոնտեյներ վերջին մի քանի շաբաթվա ընթացքում), ապա կդառնա Ռուսաստանի հիմնական օտարերկրյա զենք մատակարարողներից մեկը՝ Իրանի և Բելառուսի հետ միասին:
Ըստ բրիտանական հետախուզության՝ դեռևս պարզ չէ, թե Ռուսաստանն ինչ է համաձայնել դրա դիմաց առաջարկել Հյուսիսային Կորեային, նշվում է զեկույցում։ Հետախուզության պաշտոնյաները քիչ հավանական են համարում, որ ամբողջ փաթեթն արդեն համաձայնեցված է, բայց հավանական է, որ հենց դա է քննարկվել Ռուսաստանի բարձրաստիճան պաշտոնյաների՝ Հյուսիսային Կորեա կատարած վերջին այցերի ժամանակ:
Զեկույցի համաձայն՝ փաթեթը, հավանաբար, ներառում է ֆինանսական օգնություն, այլ տնտեսական աջակցություն, ռազմական տեխնոլոգիաների տրամադրում և համագործակցություն այլ ոլորտներում, ինչպիսին է տիեզերական հետազոտությունների բնագավառը։
Էմմա Չոբանյան
