10.04.2026 | 16:25
Ինչ քայլ է անելու ՀԱԿ-ը՝ իշխանության գալու առաջին օրը. Զուրաբյանը մանրամասնեց․ ՏԵՍԱՆՅՈՒԹ
Իսրայելի ԱԳՆ-ն դատապարտել է Էրդողանին ՀԱՄԱՍ-ին պաշտպանելու համար
Քաղաքականություն
26.10.2023 | 16:52
Իսրայելի ԱԳՆ-ն քննադատել է Թուրքիայի նախագահ Ռեջեփ Թայիփ Էրդողանին այն բանից հետո, երբ նա պաղեստինյան ՀԱՄԱՍ զինյալ խմբավորումը որակել է որպես «ազատագրողներ», որոնք պայքարում են իրենց հողի համար։
Մասնավորապես, Իսրայելը դատապարտել է «Թուրքիայի նախագահի խիստ արտահայտությունները ՀԱՄԱՍ ահաբեկչական կազմակերպության մասին»։
«ՀԱՄԱՍ-ը զազրելի ահաբեկչական կազմակերպություն է, որն անխղճորեն և դիտավորյալ սպանում է նորածիններին, երեխաներին, կանանց և ծերերին, առևանգում է խաղաղ բնակիչներին և օգտագործում իր ժողովրդին որպես կենդանի վահան: Ահաբեկչական կազմակերպությանը պաշտպանելու՝ Էրդողանի փորձը և նրա բորբոքված հայտարարությունները չեն փոխի աշխարհի տեսած սարսափները, որոնք ապացուցում են, որ ՀԱՄԱՍ-ը ԻԼԻՊ-ն է»,- ասվում է հայտարարությունում։
Նշվում է, որ Իսրայելն ամբողջությամբ մերժում է Թուրքիայի նախագահի «խոսքերը ՀԱՄԱՍ ահաբեկչական կազմակերպության մասին»։
Հավելենք, որ նախօրեին Էրդողանը հայտարարել էր, որ ՀԱՄԱՍ-ն «ահաբեկչական կազմակերպություն չէ»։
«Իսրայե՛լ, դու կարող ես կազմակերպություն դառնալ։ Արևմուտքը ձեզ շատ բան է պարտական, բայց Թուրքիան ձեզ ոչինչ պարտք չէ։ ՀԱՄԱՍ-ն ահաբեկչական կազմակերպություն չէ, այլ ազատագրական, մոջահեդների խմբավորում, որը պայքարում է իր հողերն ու քաղաքացիներին պաշտպանելու համար»,- ասել էր Թուրքիայի նախագահը։
Նա նաև հայտարարել է, որ չեղարկել է Իսրայել այցը։
«Կյանքումս մեկ անգամ սեղմել եմ Նեթանյահու կոչվող մարդու ձեռքը։ Մենք լավ մտադրություններ ունեինք՝ Նյու Յորքում Թուրքական տանը, բայց նա չարաշահեց մեր բարի նպատակները։ Իսրայել այցելելու նախագիծ ունեինք, չեղարկվեց, չենք գնալու»,- ասել է Էրդողանը։
Էմմա Չոբանյան
