23.02.2026 | 18:27
«ԱԶ Ալկմարը» հաղթանակ է տարել «Նոայի» դեմ խաղից առաջ․ ՏԵՍԱՆՅՈՒԹ
Առինջ գյուղում կատարված բնակարանային գողությունը բացահայտվել է
Հասարակություն
25.10.2023 | 13:40
Հոկտեմբերի 15-ին ՆԳՆ ոստիկանության Կոտայքի մարզի օպերատիվ կառավարման կենտրոն ահազանգ էր ստացվել, որ Առինջ գյուղի Մհեր Մկրտչյան փողոցի մի տնից կատարել են գողություն․ տեղեկացնում են ՆԳՆ ոստիկանությունից։
Մեկնած օպերատիվ խումբը պարզել է, որ ժամը 13.30-ից 20.30-ն ընկած ժամանակահատվածում խոհանոցի պատուհանը բացելու միջոցով մուտք են գործել նշված տուն և գողացել ոսկյա զարդեր, փող և ձեռքի ժամացույցներ:
Նախաձեռնվել է քրեական վարութ:
ՆԳՆ ոստիկանության Կոտայքի բաժնի, ՔՈ գլխավոր վարչության, Կոտայքի մարզային վարչության և Աբովյանի քննչական բաժնի ծառայողների համատեղ ձեռնարկած օպերատիվ-հետախուզական և քննչական միջոցառումների արդյունքում, բնակարանային գողություն կատարելու հիմնավոր կասկածի առկայության հիմքով, հոկտեմբերի 24-ին Երևան քաղաքի Տարոնցու 1-ին նրբանցքում հայտնաբերվել, ձերբակալվել և, «Ֆորդ» մակնիշի մեքենայով հանդերձ, Կոտայքի բաժին են տեղափոխվել Երևանի՝ 31-ամյա և Այնթապ գյուղի՝ 36-ամյա երկու բնակիչ: Նույն օրը Քանաքեռավան գյուղում հայտնաբերվել և ձերբակալվել է նաև Գեղարքունիքի մարզի Կարճաղբյուր գյուղի 34-ամյա մի բնակիչ:
Կազմված փաստաթղթերը և երեք տղամարդիկ ներկայացվել են Աբովյանի քննչական բաժին:
Գողոնը մասամբ հայտնաբերված է:
Քրեական վարույթը շարունակվում է:
