26.08.2026 | 20:55
Թրամփը մեկնաբանել է ԿՀՎ ղեկավարի Մոսկվա կատարած այցը
Դատավորները ԲԴԽ-ի որոշումները բողոքարկելու հնարավորություն կունենան․ այն կրկին կքննի ԲԴԽ-ն
Հասարակություն
25.10.2023 | 11:14
Դատավորները Բարձրագույն դատական խորհրդի որոշումները բողոքարկելու և դադարեցված լիազորությունները վերականգնել հնարավորություն կստանան։ Ազգային ժողովն այսօր ընդունեց «Հայաստանի Հանրապետության դատական օրենսգիրք» սահմանադրական օրենքում լրացումներ և փոփոխություններ կատարելու մասին նախագիծը։
ՀՀ արդարադատության նախարար Գրիգոր Մինասյանը երեկ նախագիծը ներկայացնելիս նշեց, որ նախագծի ընդունումը բխում է ԳՐԵԿՈ-ի (Եվրոպայի խորհրդի հակակոռուպցիոն մարմին) 2015 թվականի գնահատման զեկույցում տեղ գտած և 2021 թվականի միջանկյալ զեկույցում վերահաստատված հանձնարարականից։ Ըստ դրա՝ Հայաստանի օրենսդրությամբ դեռևս հնարավոր չէ բողոքարկել դատավորին կարգապահական պատասխանատվության ենթարկելու վերաբերյալ որոշումները։ Դատավորին կարգապահական պատասխանատվության ենթարկելու հարցի քննությունը կիրականացնի ԲԴԽ 4 անդամ ընդգրկող կազմը։
«Դատավորին պատասխանատվության ենթարկելու հարցի մասին որոշման դեմ բերված բողոքի քննությունն իրականացնելու է ԲԴԽ-ն, տվյալ կարգապահական վարույթով դատավորին կարգապահական պատասխանատվության ենթարկելու հարցի քննության կազմում չընդգրկած անդամների կազմով»,-ասաց նախարարը։ Բողոքի քննության համար նախատեսվել է երկամսյա ժամկետ։
