24.11.2024 | 14:02
Ավտոմեքենայի դուռը փակվել է, 1-ամյա երեխան մնացել է ներսում․ օգնել են փրկարարները
Իսրայել-Լիբանան սահմանին բախումներն ուժգնացել են
Քաղաքականություն
24.10.2023 | 20:33
Իսրայելի բանակը հայտարարել է, որ իր ռազմաօդային ուժերը ոչնչացրել են Իսրայելի հետ սահմանակից Լիբանանի Բարամի շրջանում գտնվող զինված խմբավորումների անդամներին, գրում է BBC-ի ռուսական ծառայությունը։
Հաղորդագրության մեջ ասվում է, որ գրոհն իրականացվել է այն պահին, երբ խմբավորումներից մեկը փորձել է Իսրայելի ուղղությամբ հրթիռ արձակել։
Առանձին հաղորդագրության մեջ Իսրայելի պաշտպանության բանակը հայտնել է հակատանկային հրթիռներով իսրայելական Շտուլա բնակավայի գնդակոծության մասին, որը տեղակայված է իսրայելա-լիբանանյան սահմանից ոչ հեռու։ Տուժածների մասին դեռևս չի հաղորդվում։
Մինչ այդ, Լիբանանի «Հըզբոլլահ» շարժման և իսրայելական բանակի միջև փոխհրաձգությունների ակտիվացման հետ միասին՝ հարավային Լիբանանի բնակիչները լքում են իրենց տները՝ վախենալով բռնության հետագա աճից: Միգրացիայի միջազգային կազմակերպությունը գնահատում է, որ հոկտեմբերի 7-ին Իսրայելի և ՀԱՄԱՍ-ի միջև պատերազմի սկսվելուց հետո շուրջ 20 հազար լիբանանցի ստիպված է եղել լքել իրենց տները, որոնց մեծ մասը երկրի հարավային շրջաններից է:
Տյուրոսի հարավային քաղաքում հարյուրավոր մարդիկ, ովքեր գնալու տեղ չունեն, ապաստան են գտել հանրակրթական դպրոցներում, որոնք վերածվել են ապաստարանների:
Չնայած անդրսահմանային հրետակոծությունների աճող ինտենսիվությանը՝ բռնությունը մինչ այժմ զսպված է: Սակայն այստեղ շատերը դեռ հիշում են Իսրայելի և «Հըզբոլլահ»-ի միջև ամիսներ տևած պատերազմի պատճառած ավերածությունները և մտավախություն ունեն, որ պատմությունը կարող է կրկնվել:
