25.11.2024 | 23:30
Էրդողանը ծրագրում է հաջորդ ժամկետով գրավել իշխանությունը․ TIME-ի անդրադարձը
Ալիևը Բաքվում Թուրքիայի ՊՆ ղեկավարի հետ ռազմական համագործակցության հարցեր է քննարկել
Քաղաքականություն
24.10.2023 | 19:13
Ադրբեջանի նախագահ Իլհամ Ալիևը Բաքվում ընդունել է Թուրքիայի պաշտպանության նախարար Յաշար Գյուլերին։ Ադրբեջանական կողմի փոխանցմամբ՝ զրուցակիցները գոհունակություն են հայտնել Ադրբեջանի տարբեր շրջաններում ադրբեջանա-թուրքական համատեղ մարտավարական «Մուսթաֆա Քեմալ Աթաթուրք 2023» մարտավարական զորավարժությունների անցկացման և վարժանքների ընթացքում բարձր պրոֆեսիոնալիզմի ու հմտության դրսևորման կապակցությամբ։
Զրույցի ընթացքում ընդգծվել է Ադրբեջանի և Թուրքիայի ղեկավարների կանոնավոր հանդիպումների և շփումների դերը, հատկապես նշվել է Թուրքիայի նախագահ Ռեջեփ Թայիփ Էրդողանի՝ այս տարվա սեպտեմբերին Նախիջևան կատարած այցի նշանակությունը։
Նշվում է, որ կողմերը նաև անդրադարձել են սեպտեմբերի 19-ին Արցախի դեմ ադրբեջանական ագրեսիային ու էթնիկ զտմանը։
«Զրույցի ընթացքում ընդգծվել է, որ Գյուլերի այցն Ադրբեջան կծառայի երկկողմ հարաբերությունների զարգացմանը, այդ թվում՝ ռազմական ոլորտում համագործակցության ամրապնդմանը։ Տեղի է ունեցել նաև համագործակցության հեռանկարների փոխանակում»,- ասվում է հաղորդագրության մեջ։
Հանդիպումից տարածված լուսանկարից պարզ է դառնում, որ թուրքական կողմից հանդիպմանը մասնակցել է Ադրբեջանի պաշտպանության նախարարի խորհրդական, թուրք գեներալ Բախթիյար Էրսայը։
Էմմա Չոբանյան
