24.11.2024 | 16:07
1 մլրդ դրամ՝ Երևանի ու մարզերի թատրոնների, համերգային դահլիճների, նվագախմբերի համար գույք, տեխնիկա գնելու համար․ ՏԵՍԱՆՅՈՒԹ
Ուկրաինայի շրջաններից մեկում հեպատիտ Ա-ի բռնկում է գրանցվել
Քաղաքականություն
24.10.2023 | 15:38
Ուկրաինայի Վիննիցայի շրջաններից մեկում հեպատիտ Ա-ի բռնկում է, հոսպիտալացվել է 60 մարդ, այդ թվում՝ 14 երեխա։ Այս մասին հայտնել է երկրի Առողջապահության նախարարությունը, գրում է Korrespondent-ը։
«Հեպատիտ Ա-ի հաստատված ախտորոշմամբ 60 մարդ հոսպիտալացվել է, այդ թվում՝ 14 երեխա, ևս 14 հիվանդ գտնվում են հսկողության տակ և սպասում են ախտորոշման հաստատմանը»,- ասվում է հաղորդագրության մեջ։
Առողջապահության նախարարությունից նշել են, որ հիվանդները ստանում են անհրաժեշտ բուժօգնություն և գտնվում են բժիշկների հսկողության տակ։
Այժմ Վիննիցայի Հիվանդությունների վերահսկման և կանխարգելման տարածաշրջանային կենտրոնի (CDCP) մասնագետները ստուգում և ուսումնասիրում են բռնկման բոլոր հնարավոր պատճառները՝ շուկաներից մինչև կենտրոնացված և ապակենտրոնացված ջրամատակարարման կետեր:
Լաբորատոր փորձարկման համար արդեն վերցվել է ջրի 66 նմուշ (հանրային խմելու ջրի աղբյուրներից, մասնավոր հորերից, խմելու ջրի իրացման կետերից կամ բաշխիչ ցանցերից), 53-ն արդեն փորձարկվել է և համապատասխանում է սանիտարական չափանիշներին։
Հիշեցնենք, որ հեպատիտ Ա-ի դեմ պատվաստանյութը բաժանվել է Ուկրաինայի բոլոր մարզերին, անվճար պատվաստումների համար նախատեսված դեղամիջոցը ստացվել է Առողջապահության համաշխարհային կազմակերպության հետ համագործակցության շրջանակում։
Հաղորդվել է նաև, որ վիրուսային հեպատիտ Ա-ի բռնկում է գրանցվել Դնեպրոպետրովսկի շրջանի գյուղերից մեկում։
