23.02.2026 | 23:30
Ադրբեջանը նույնպես հետաքրքրություն է հայտնել Եվրոպական խաղաղության գործիքակազմի շրջանակներում օգնություն ստանալու հարցում
ԱՄՆ-ը պնդում է, որ Իրանը ձգտում է սրել հակամարտությունն Իսրայելի և ՀԱՄԱՍ-ի միջև
Քաղաքականություն
24.10.2023 | 13:24
ԱՄՆ-ը պնդում է, որ Իրանն ու իրանամետ ուժերը վերջին մի քանի օրերի ընթացքում փորձել են սրել հակամարտությունը Իսրայելի և ՀԱՄԱՍ-ի միջև, գրում է BBC-ի ռուսական ծառայոթյունը:
Երկուշաբթի տեղի ունեցած ճեպազրույցում ԱՄՆ պաշտպանության նախարարության ներկայացուցիչն ասել է, որ Իրաքում և Սիրիայում ամերիկյան զորքերը հարձակման են ենթարկվել անօդաչու թռչող սարքերով և հրթիռներով:
«Թույլ տվեք հստակ ասել Իրաքում և Սիրիայում ԱՄՆ-ի զորքերի մասին․ նրանք այնտեղ են միայն ու միայն մեկ նպատակով՝ աջակցելու գործընկերներին, ովքեր առաջատար դեր են խաղում ԻՊ-ի վերջնական պարտությանը հասնելու գործում, և ոչ մի այլ նպատակ»,- ըստ SkyNews-ի՝ լրագրողներին ասել է պաշտպանության ոլորտի անանուն պաշտոնյան։
Աղբյուրի խոսքով՝ Իրանը պայմաններ է ստեղծում ԻՊ-ի վերականգնման և տարածաշրջանի հետագա ապակայունացման համար։
Հավելենք, որ անցած շաբաթվա ընթացքում Մերձավոր Արևելքում ԱՄՆ ռազմական օբյեկտները հրթիռային և անօդաչու թռչող սարքերի հարձակումների են ենթարկվել։
