Իսրայելը ձեզ բարեկամ չի լինի․ Իրանի նախագահը՝ Բայրամովին

Լուրեր

22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
22.11.2026 | 14:50
Կրասնոդարի երկրամասում ուկրաինական անօդաչուների հարձակման հետևանքով 5 մարդ է տուժել․ հնարավոր է՝ թիրախավորվել է Ռոսգվարդիայի շենքը
22.11.2026 | 14:29
Նոյեմբերի 22-ին Գորիսի մի շարք հասցեներում ջուր չի լինի
22.11.2026 | 14:13
Հայաստանում օդի ջերմաստիճանը կնվազի 8-10 աստիճանով․ սպասվում են անձրև և ուժեղ քամի
22.11.2026 | 13:32
Ուժեղ քամին վնասել է տանիքներ և արևային վահանակներ․ ահազանգեր՝ երկու մարզից
22.11.2026 | 13:13
Հրապարակվել են նոյեմբերի 29-ի ՏԻՄ ընտրությունների ընտրողների վերջնական ցուցակները
22.11.2026 | 12:59
Հայաստանն ու Իրանը քննարկել են բարձր տեխնոլոգիաների ոլորտում համագործակցության հեռանկարները
22.11.2026 | 12:13
Փաշինյանը հանդիպել է Digitec 2026-ին մասնակցող ՏՏ ընկերությունների ղեկավարների հետ
22.11.2026 | 11:57
Թրամփը լուսանկար է հրապարակել Պուտինի հետ և կրկին նրան իր ընկերն անվանել
22.11.2026 | 11:45
Հայաստանն ու Լիբանանը պետք է շարունակեն ամրապնդել քաղաքական երկխոսությունը․ Փաշինյանի ուղերձը
22.11.2026 | 11:18
Նոյեմբերի 22-ին Մալաթիա-Սեբաստիա վարչական շրջանի մի շարք հասցեներում ջուր չի լինի
22.11.2026 | 10:58
Վարդենյաց լեռնանցքում ձյուն է տեղում, հանրապետության մի շարք շրջաններում՝ անձրև
Բոլորը

Ադրբեջանի արտաքին գործերի նախարար Ջեյհուն Բայրամովը, որը Թեհրանում էր՝ մասնակցելու նախօրեին անցկացված 3+3 ձևաչափի բանակցություններին, հանդիպել է նաև Իրանի նախագահ Էբրահիմ Ռաիսիի հետ։ Հանդիպմանը Ռաիսին Բայրամովին ասել է, որ Իրանի Իսլամական Հանրապետությունը ցանկանում է ներգրավվել տարածաշրջանում առկա խնդիրների լուծմանը, գրում է Mehr գործակալությունը։

«Իրանն ընդգծում է տարածաշրջանի հարցերն ու խնդիրները փոխգործակցության միջոցով լուծելու անհրաժեշտությունը»,- ասել է Ռաիսին՝ ընդգծելով տարածաշրջանային հարցերում արտաքին միջամտությունը մերժելու՝ Թեհրանի սկզբունքային քաղաքականությունը։

Նա նաև անդրադարձել է Իսրայելի և Ադրբեջանի սերտ համագործակցությանը։

«Ես նախկինում նախագահ Իլհամ Ալիևին ասել եմ, որ սիոնիստական ռեժիմը չի լինի ձեր բարեկամը, այն չի լինի բարեկամ որևէ մահմեդական երկրի համար։ Գազայի այսօրվա իրավիճակը դրա վկայությունն է»,- ասել է Ռաիսին՝ նշելով, որ «սիոնիստական ռեժիմը և նրա արևմտյան աջակիցները չեն կարող բարեկամ և համախոհ լինել տարածաշրջանի երկրներին, այլ ընդամենը տարածաշրջանում իրենց շահերն են հետապնդում»։

Ընդգծելով Թեհրան-Բաքու հարաբերությունների և տարբեր ոլորտներում համագործակցության ընդլայնման կարևորությունը՝ Իրանի նախագահն ասել է․ «Բարեկամ, եղբայրական և հարևան Ադրբեջանի հետ փոխգործակցության, նաև հարաբերությունների մակարդակի բարելավումը Իրանի արտաքին քաղաքականության առանցքներից է։ Իրանի Իսլամական Հանրապետությունը տարածաշրջանի կարևոր և հզոր երկրներից է, որը կարևորում է հարգանքը բոլոր երկրների ինքնիշխանության և տարածքային ամբողջականության նկատմամբ, կարևորում է տարածաշրջանի երկրների միջև հարցերի ու խնդիրների լուծումը փոխըմբռնման և փոխգործակցության միջոցով»:

Ըստ իրանական կողմի հաղորդագրության՝ Բայրամովն իր հերթին ասել է, որ Բաքուն մեծ նշանակություն է տալիս Թեհրանի հետ հարաբերություններին։

«Տարածաշրջանից դուրս գտնվող երկրների մուտքը տարածաշրջան կանխելու վերաբերյալ Իրանի տեսակետը հավանության է արժանանում Ադրբեջանի կողմից, այդ պատճառով մենք Թեհրանում «Կովկասյան համագործակցության խմբի» հանդիպման անցկացումը գնահատում ենք օգտակար, դրական և կառուցողական»,- նշել է Ադրբեջանի ԱԳ նախարարը։

Էմմա Չոբանյան