07.10.2026 | 23:19
Հայաստանը ՄԱԿ-ում ընդգծել է զարգացող երկրների համար միջազգային աջակցության և ֆինանսավորման կարևորությունը
Միրզոյանը Թեհրանում հանդիպել է Բայրամովին
Քաղաքականություն
24.10.2023 | 01:25
Թեհրանում «3+3» ձևաչափով հանդիպման շրջանակներում Ադրբեջանի և Հայաստանի ԱԳ նախարարների միջև տեղի է ունեցել զրույց:
Ինչպես հաղորդում է Trend-ը, այս մասին հայտարարել է Իրանի արտաքին գործերի նախարար Հոսեյն Ամիր Աբդոլլահիանը Թեհրանում կայացած արտգործնախարարների հանդիպման արդյունքներով:
«Թեհրանում կայացած «3+3» հանդիպման շրջանակում Արարատ Միրզոյանի և Ջեյհուն Բայրամովի հանդիպումը Հայաստանի և Ադրբեջանի միջև խաղաղության և բարեկամության ճանապարհին քայլերից մեկն է: Հանդիպման ընթացքում Հայաստանի և Ադրբեջանի արտգործնախարարները հնարավորություն ունեցան զրուցելու: Այս հանդիպումը կնպաստի Հարավային Կովկասում կայունության և անվտանգության հաստատմանը»,- հայտարարել է Աբդոլլահիանը։
Հիշեցնենք՝ Թեհրանում տեղի է ունեցել ԱԳ նախարարների մակարդակով «3+3» ձևաչափի հանդիպումը, որի ընթացքում Ադրբեջանի, Հայաստանի, Իրանի, Ռուսաստանի և Թուրքիայի ԱԳՆ ղեկավարներ Ջեյհուն Բայրամովը, Արարատ Միրզոյանը, Հոսեյն Ամիր Աբդոլլահիանը, Սերգեյ Լավրովն ու Հաքան Ֆիդանը քննարկել են տարածաշրջանում ստեղծված իրավիճակը։ Վրացական կողմը հրաժարվել է մասնակցել հանդիպմանը։
Իրանի արտաքին գործերի նախարարությունը հրապարակել է հայտարարության տեքստ, որը, ըստ գերատեսչության պաշտոնական կայքի, ընդունվել է հոկտեմբերի 23-ին Թեհրանում կայացած «3+3» տարածաշրջանային հարթակի երկրորդ հանդիպման արդյունքներով։
