24.11.2024 | 17:00
Ֆրանսիայի Բրոն համայնքում Մեղրի քաղաքի պուրակ է բացվել
Մոսկվան Թուրքիայի հետ կապի մեջ է պաղեստինա-իսրայելական կարգավորման հարցով. ՌԴ ԱԳ փոխնախարար
Քաղաքականություն
23.10.2023 | 17:11
Ռուսաստանն ու Թուրքիան դիվանագիտական ուղիներով կապի մեջ են պաղեստինա-իսրայելական կարգավորման հարցով: Այս մասին լրագրողներին ասել է ՌԴ ԱԳ փոխնախարար Ալեքսանդր Գրուշկոն՝ մեկնաբանելով ճգնաժամի կարգավորման համար երաշխավոր երկրների համակարգ ստեղծելու՝ Անկարայի նախաձեռնությունը, գրում է ՏԱՍՍ-ը։
«Իհարկե, այս իրավիճակում գործի են դրված դիվանագիտական ուղիները, մենք կապի մեջ ենք մեր գործընկերների, բոլոր դերակատարների հետ։ ՌԴ դիրքորոշումը քաջ հայտնի է, որն ասվել է նախագահի կողմից և ԱԳՆ հայտարարություններում։ Մենք ելնում ենք նրանից, որ ճգնաժամի հաղթահարումն անհնար է՝ առանց ՄԱԿ-ի Անվտանգության խորհրդի բանաձևերի համաձայն երկու պետությունների ստեղծման վրա հիմնված խնդրի առանցքային լուծումից»,- ասել է Գրուշկոն։
Ավելի վաղ Թուրքիայի ԱԳ նախարար Հաքան Ֆիդանը հայտարարել էր, որ Անկարան նախատեսում է առաջարկել Իսլամական համագործակցության կազմակերպության անդամներին քննարկել Պաղեստինի և Իսրայելի միջև հակամարտության կարգավորումը՝ կողմերից յուրաքանչյուրի համար երաշխավոր երկրի համակարգի հիման վրա, որը պետք է պատասխանատվություն ստանձնի կարգավորման պայմանների կատարման։
Էմմա Չոբանյան
