24.07.2026 | 15:46
Եղվարդում ապօրինի հրաձգարան և մեծաքանակ զենք-զինամթերք են հայտնաբերվել․ 1 անձ ձերբակալվել է
Հյուսիս-հարավ միջանցքի ներդրումային ծրագրի շրջանակում այսօր իրանական կողմի հետ փաստաթուղթ կստորագրվի
Քաղաքականություն
23.10.2023 | 11:33
Հյուսիս-հարավ ճանապարհային միջանցքի ներդրումային ծրագրի-Տրանշ 4 շրջանակներում այսօր տեղի է ունենալու Ագարակից-Վարդանիձոր (մոտ 21կմ) ճանապարհի հիմնանորոգման, Վարդանիձորից մինչև թունելի ելք (մոտ 11կմ) ճանապարհի կառուցման պայմանագրի ստորագրման պաշտոնական միջոցառումը, Factor.am-ին փոխանցեց ՀՀ տարածքային և ենթակառուցվածքային նախարարի խոսնակ Սոնա Հարությունյանը։
««Ճանապարհային դեպարտամենտ» հիմնադրամի և «Աբադ Ռահան Պարս» Ինթերնեյշնլ Գրուպ և «Թունել Սադ Արիանա» համատեղ ձեռնարկություն միջև կնքվելու է Հյուսիս-հարավ ճանապարհային միջանցքի ներդրումային ծրագրի-Տրանշ 4 շրջանակներում Ագարակից-Վարդանիձոր (մոտ 21կմ) ճանապարհի հիմնանորոգման, Վարդանիձորից մինչև թունելի ելք (մոտ 11կմ) ճանապարհի կառուցման պայմանագիր»,- ասաց նա:
Միջոցառմանը ներկա են լինելու ՀՀ տարածքային կառավարման և ենթակառուցվածքների նախարար Գնել Սանոսյանը, Իրանի ճանապարհների և քաղաքաշինության նախարար Մեհրդադ Բազրփաշը, ինչպես նաև՝ ՀՀ փոխվարչապետեր Մհեր Գրիգորյանը և Տիգրան Խաչատրյանը։
Անի Թամրազյան
