24.11.2024 | 16:07
1 մլրդ դրամ՝ Երևանի ու մարզերի թատրոնների, համերգային դահլիճների, նվագախմբերի համար գույք, տեխնիկա գնելու համար․ ՏԵՍԱՆՅՈՒԹ
Իսրայելը հայտարարել է Գազայում 320 թիրախի խոցման մասին
Քաղաքականություն
23.10.2023 | 14:49
Իսրայելի պաշտպանության բանակը (IDF) հայտարարել է, որ գիշերը հարվածներ է հասցրել Գազայի 320 «ահաբեկչական թիրախներին»՝ ներառյալ թունելները և «տասնյակ օպերատիվ հրամանատարական կենտրոններ», որոնք պատկանում են ՀԱՄԱՍ-ին և «Իսլամական ջիհադին»:
Պաշարված անկլավի ուժեղ ռմբակոծության հետևանքով նաև տասնյակ մարդիկ են զոհվել, CNN-ին հայտնել են պաղեստինցի բժիշկները և Գազայի Առողջապահության նախարարության պաշտոնյաները:
Իսրայելական կործանիչների տեսանյութերը, որոնք տարածվել են Իսրայելի պաշտպանության բանակի կողմից, ցույց են տալիս հարվածներ Գազայի շենքերին, որոնք խոցել են «տասնյակ օպերատիվ հրամանատարական կենտրոններ, որոնցից մի քանիսը թաքցրել են ՀԱՄԱՍ-ի և «Իսլամական ջիհադի» ահաբեկիչներին, ռազմական համալիրներին և դիտակետերին»:
Ուժեղացված ավիահարվածները տեղի են ունենում այն ժամանակ, երբ Իսրայելի պաշտպանության բանակը հայտարարել է, որ պատրաստվում է ՀԱՄԱՍ-ի դեմ պայքարի «հաջորդ փուլերին»:
Գազայի հյուսիսում առնվազն 26 մարդ է զոհվել փախստականների Ջաբալիա ճամբարին իսրայելական հարվածներից հետո։ Գազայի Ինդոնեզական հիվանդանոցի տնօրեն Աթեֆ ալ-Քալութը CNN-ին ասել է, որ Ջաբալիան Գազայի փախստականների ամենամեծ ճամբարներից է: Գազայի հարավում՝ Ռաֆահ քաղաքում էլ 29 մարդ է զոհվել։
Պաղեստինի ներքին գործերի նախարարությունը հայտնել է, որ գիշերը հարվածներ են հասցվել Ռաֆահում, Խան Յունիսում, Կենտրոնական Գազայում և Գազա քաղաքում գտնվող շենքերին, այդ թվում՝ մի քանի բնակելի տների: Ուժեղ հարվածներ են գրանցվել քաղաքի հիվանդանոցի մոտ։
Էմմա Չոբանյան
