05.04.2026 | 16:15
Իսրայելը հայտնել է մեկ օրում Իրանում ավելի քան 120 օբյեկտների ուղղությամբ գրոհների մասին
Հայտնի են Երևանի փոխքաղաքապետերի անունները
Քաղաքականություն
20.10.2023 | 23:58
Հոկտեմբերի 26-ին կգումարվի Երևանի ավագանու արտահերթ նիստ։ Երևանի քաղաքապետարանից տեղեկանում ենք՝ օրակարգում Երևանի քաղաքապետի տեղակալների նշանակումներն են․
Հայտնի է, թե ովքեր կնշանակվեն փոխքաղաքապետեր: Այսպես, քաղաքապետի առաջին տեղակալի պաշտոնում կնշանակվի ՔՊ կուսակցության ցուցակի երկրորդ համար, վարչության անդամ, ԱԻ նախկին նախարար Արմեն Փամբուխչյանը:
Քաղաքապետի մյուս երեք տեղակալներից երկուսը կրկին ՔՊ-ից են` Լևոն Հովհաննիսյանն ու Սուրեն Գրիգորյանը, որոնք նախկինում ևս փոխքաղաքապետեր էին: Լևոն Հովհաննիսյանն առաջին տեղակալն էր, իսկ Հրաչյա Սարգսյանի հրաժարականից հետո իրականացնում էր քաղաքապետի պարտականությունները: Քաղաքապետի չորրորդ տեղակալը «Հանրապետություն» կուսակցության ցուցակի երկրորդ համար Սարգիս Մադաթյանն է:
Հիշեցնենք, որ ՔՊ-ն և «Հանրապետությունը» Տիգրան Ավինյանի` քաղաքապետ ընտրվելուց հետո համագործակցության հուշագիր կնքեցին: Ավինյանը հայտարարեց, որ քաղաքը կառավարելու են ՔՊ-ն ու «Հանրապետությունը»:
Արփի Հակոբյան
