ՔԿ նախագահն ու ԵՄ դեսպանը քննարկել են քննչական կոմիտեի մասնագիտական ներուժի կատարելագործման հնարավորությունները

Լուրեր

22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
22.11.2026 | 14:50
Կրասնոդարի երկրամասում ուկրաինական անօդաչուների հարձակման հետևանքով 5 մարդ է տուժել․ հնարավոր է՝ թիրախավորվել է Ռոսգվարդիայի շենքը
22.11.2026 | 14:29
Նոյեմբերի 22-ին Գորիսի մի շարք հասցեներում ջուր չի լինի
22.11.2026 | 14:13
Հայաստանում օդի ջերմաստիճանը կնվազի 8-10 աստիճանով․ սպասվում են անձրև և ուժեղ քամի
22.11.2026 | 13:32
Ուժեղ քամին վնասել է տանիքներ և արևային վահանակներ․ ահազանգեր՝ երկու մարզից
22.11.2026 | 13:13
Հրապարակվել են նոյեմբերի 29-ի ՏԻՄ ընտրությունների ընտրողների վերջնական ցուցակները
22.11.2026 | 12:59
Հայաստանն ու Իրանը քննարկել են բարձր տեխնոլոգիաների ոլորտում համագործակցության հեռանկարները
22.11.2026 | 12:13
Փաշինյանը հանդիպել է Digitec 2026-ին մասնակցող ՏՏ ընկերությունների ղեկավարների հետ
22.11.2026 | 11:57
Թրամփը լուսանկար է հրապարակել Պուտինի հետ և կրկին նրան իր ընկերն անվանել
22.11.2026 | 11:45
Հայաստանն ու Լիբանանը պետք է շարունակեն ամրապնդել քաղաքական երկխոսությունը․ Փաշինյանի ուղերձը
22.11.2026 | 11:18
Նոյեմբերի 22-ին Մալաթիա-Սեբաստիա վարչական շրջանի մի շարք հասցեներում ջուր չի լինի
22.11.2026 | 10:58
Վարդենյաց լեռնանցքում ձյուն է տեղում, հանրապետության մի շարք շրջաններում՝ անձրև
Բոլորը

ՀՀ քննչական կոմիտեի նախագահ Արգիշտի Քյարամյանը հոկտեմբերի 20-ին ընդունել է Հայաստանում Եվրոպական միության պատվիրակության նորանշանակ ղեկավար, դեսպան Վասիլիս Մարագոսին։

Քննչական կոմիտեի նախագահը շնորհավորել է պարոն Մարագոսին՝ Հայաստանում ԵՄ դիվանագիտական առաքելության ղեկավարումն ստանձնելու կապակցությամբ և արգասաբեր աշխատանք է մաղթել՝ ի շահ Հայաստան-ԵՄ հարաբերությունների հետագա զարգացման։ Այս մասին հայտնում են ՀՀ քննչական կոմիտեից:

«Արգիշտի Քյարամյանը բարձր է գնահատել ԵՄ-ի աջակցությունը Հայաստանում ժողովրդավարական արժեքների, մարդու իրավունքների պաշտպանության ինստիտուցիոնալ ամրապնդման և այդ համատեքստում՝ դատաիրավական ոլորտի շարունակական բարեփոխումների գործընթացին։

Կարևորվել է վերջին շրջանում ՀՀ քննչական կոմիտեի և եվրոպական իրավապահ կառույցների՝ մասնավորապես «Եվրոջասթի» և «Եվրոպոլի» հետ արդյունավետ հաղորդակցության հաստատման իրողությունը՝ որը նպաստում է հատկապես անդրազգային բնույթի հանցագործությունների դեմ պայքարին։

Դեսպան Մարագոսը նշել է, որ Հայաստանի բարեփոխումների հաջող ընթացքը հիմք է տալիս արդեն իսկ ձեռք բերված փորձի և գործիքակազմի հենքին դատաիրավական ոլորտում համագործակցության նոր նախագծեր իրականացնելու համար։ Դեսպանը հավելել է, որ ԵՄ-ն պատրաստ է, մասնավորապես, ՀՀ քննչական կոմիտեի կարիքների և առաջարկությունների հենքին, աջակցելու օրենքի գերակայության ապահովմանը և հանցավորության դեմ պայքարում ռեսուրսների զարգացմանը միտված նոր համատեղ ծրագրերին։

Հանդիպման ընթացքում քննարկվել են ՀՀ քննչական կոմիտեի մասնագիտական ներուժի կատարելագործմանը, այդ նպատակով եվրոպական լավագույն փորձի փոխանցմանը, եվրոպական երկրների քննչական մարմինների հետ փոխգործակցության ընդլայնմանն ուղղված համագործակցության նոր հնարավորությունները։

ՀՀ քննչական կոմիտեի նախագահ Արգիշտի Քյարամյանը պարոն Մարագոսին ներկայացրել է Ադրբեջանի կողմից Լեռնային Ղարաբաղում իրականացված էթնիկ զտումների, իրենց հայրենիքում ԼՂ բնակչության հետագա կեցությունն անհնարին դարձնելուն ուղղված պլանավորված և ամիսների ընթացքում հետևողականորեն իրականացված գործողությունների, ԼՂ բնակչության դեմ կատարված ռազմական ագրեսիայի և բռնի տեղահանության վերաբերյալ բոլոր այն փաստական տվյալները, որոնք ձեռք են բերվել ՀՀ քննչական կոմիտեում իրականացվող մեծածավալ նախաքննությամբ։

Նա նշել է, որ այդ ամենն ուղեկցվել է ռազմական և մարդկության դեմ ուղղված հանցագործություններով՝ քաղաքացիական բնակավայրերի և ենթակառուցվածքների կանխամտածված թիրախավորմամբ, քաղաքացիական անձանց նկատմամբ բռնություններով, գերեվարումներով,  դիերի անարգմամբ և այլն։ ՀՀ ՔԿ նախագահը պատրաստակամություն է հայտնել արդեն իսկ փաստագրված այդ տվյալները, ցանկության դեպքում, փոխանցելու միջազգային գործընկերներին»,- ասված է հաղորդագրության մեջ: