02.11.2024 | 16:34
Երևանի 2 վարչական շրջանում փոշու պարունակությունը գերազանցել է սահմանային թույլատրելի կոնցենտրացիան
ԱՄՆ-ը միջուկային փորձարկման համար պայթյուն է իրականացրել
Քաղաքականություն
20.10.2023 | 23:20
ԱՄՆ Էներգետիկայի նախարարությունը հայտնել է, որ հոկտեմբերի 18-ին Նևադայում ստորգետնյա քիմիական պայթյուն է փորձարկվել՝ «գլոբալ միջուկային սպառնալիքները նվազեցնելու համար»։ Փորձարկումների մասին հաղորդվում է ԱՄՆ Էներգետիկայի նախարարության կայքում։
«Նևադայի ազգային անվտանգության տեղամասի թիմը ստորգետնյա քիմիական պայթյուն է իրականացրել տեղանքում՝ բարելավելու ԱՄՆ-ի կարողությունը՝ հայտնաբերելու ցածր հզորությամբ միջուկային պայթյուններն ամբողջ աշխարհում»,- ասել է Էներգետիկայի նախարարությունը:
Փորձարկումը տեղի է ունեցել հոկտեմբերի 18-ին Նևադայի փորձադաշտի 12-րդ տեղանքում գտնվող թունել P-ում: ԱՄՆ Էներգետիկայի նախարարության հայտարարության մեջ ասվում է, որ փորձարկումները «նպաստում են նոր տեխնոլոգիաների զարգացմանը՝ հաջակցություն միջուկային զենքի չտարածման ԱՄՆ-ի նպատակների»:
Նման թեստերը կոչվում են ենթակրիտիկական, դրանք արգելված չեն Միջուկային փորձարկումների համապարփակ արգելքի պայմանագրով և պարբերաբար իրականացվում են ինչպես Ռուսաստանի, այնպես էլ Չինաստանի կողմից:
Հիշեցնենք, որ հոկտեմբերի 18-ին էլ ՌԴ Պետդուման ընդունել է օրենք միջուկային փորձարկումների համապարփակ արգելման պայմանագրի (ՄՓՀԱՊ) վավերացման հետկանչի մասին։
