15.09.2026 | 19:51
«Չենք մոռանա մեր դեմ կատարված վայրագությունները»․ Ալիևը ՀՀ-ին մեղադրել է «հանցագործությունների» մեջ
Հարավային Կորեան ՌԴ-ին սպառնացել է պատժամիջոցներով, եթե վերջինս ռազմական տեխնոլոգիաներ փոխանցի ԿԺԴՀ-ին
Քաղաքականություն
19.10.2023 | 17:45
Հարավային Կորեան կդիմի պատժամիջոցների Ռուսաստանի և Հյուսիսային Կորեայի դեմ, եթե Մոսկվան ռազմական տեխնոլոգիաներ փոխանցի Փհենյանին, հայտարարել է Կորեայի Հանրապետության միավորման նախարար Կիմ Յոնգ Հոն։
«Եթե Ռուսաստանը Հյուսիսային Կորեային ռազմական տեխնոլոգիաներ առաջարկի, դա լուրջ վտանգ կստեղծի Հարավային Կորեայի անվտանգության համար։ Այդ դեպքում մենք ստիպված կլինենք ԱՄՆ-ի և այլ երկրների հետ միասին դիմել Ռուսաստանի և Հյուսիսային Կորեայի դեմ խիստ պատժամիջոցների»,- ասել է Կիմ Յոնգ Հոն Yonhap News TV-ին տված հարցազրույցում:
Նախարարը նշել է, որ Ուկրաինայի հարցում Հարավային Կորեայի դիրքորոշումը չի փոխվել։ Սեուլը Կիևին զենք չի մատակարարում, բացի այդ չի դիտարկում «Ռուսաստանի դեմ միակողմանի պատժամիջոցների սահմանումը»։
Սեուլը հավաստի է համարում Վաշինգտոնի տեղեկությունն այն մասին, որ Փհենյանը զենք է տեղափոխում Մոսկվա։
