02.11.2024 | 19:00
Ժողովրդին տալիս են հաց և հանդես ու քանդում են Երևանը, ուղեղները թամաշաներից մթագնել է. Տեր-Գաբրիելյան. ՏԵՍԱՆՅՈՒԹ
Եգիպտոսը հայտարարել է Գազա մարդասիրական օգնության «կայուն» ուղի բացելու մասին
Քաղաքականություն
19.10.2023 | 17:34
Եգիպտոսը հայտարարել է «Ռաֆահ» անցակետով Գազայի հատված մարդասիրական օգնության առաքման «կայուն» կապուղու բացման մասին։ ԱՄՆ նախագահ Ջո Բայդենն ավելի վաղ հայտարարել էր բեռնատարներին Գազա մուտքի թույլտվություն տալու Եգիպտոսի համաձայնության մասին, գրում է BBC-ի ռուսական ծառայությունը։
«Եգիպտոսի նախագահ Աբդել Ֆաթահ Սիսին և Ամերիկայի նախագահ Ջո Բայդենը պայմանավորվել են Գազայի հատված Ռաֆահ տերմինալի միջոցով մարդասիրական օգնության կայուն մատակարարման շուրջ»,- հայտարարել է Եգիպտոսի նախագահի խոսնակ Ահմեդ Ֆահմին։ Նա չի հստակեցրել, թե երբ կսկսվեն մատակարարումները։
ԱՄՆ նախագահ Ջո Բայդենը Իսրայելից տուն վերադառնալիս ինքնաթիռում լրագրողներին ասել է, որ 20 բեռնատարներ մարդասիրական օգնություն կտեղափոխեն Գազա «Ռաֆահով»։
«Եթե ՀԱՄԱՍ-ը դրանք առգրավի կամ թույլ չտա անցնել, այդ ժամանակ ամեն բան կդադարեցվի»,-ասել է Բայդենը։
