Աջափնյակի դատարանի դիմաց ենթադրաբար կրակոցներ արձակած անձը ներկայացել է Քննչական կոմիտե։ Կրակոցների հետևանքով մարմնական վնասվածներ ստացած անձը՝ Սահակ Վարդանյանը դեռևս չի հարցաքննվել, քանի որ նրա առողջական վիճակը թույլ չի տվել նրան հարցաքննել։ Այս մասին հայտնում են իրավաահ մարմիններում Factor.am-ի աղբյուրները։
Հիշեցնենք, որ երեկ Երևանի քրեական դատարանի Աջափնյակի նստավայրի բակում կրակոցներ են հնչել, որի հետևանքով մեկ անձ տեղափոխվել է բժշկական կենտրոն։ Կրակոցների հետևանքով վնասվել է նաև դատախազներից մեկի մեքենան, սակայն դատախազը որևէ առնչություն չունի միջադեպի հետ․ վերջինս պարզապես դատարանում նիստի է մասնակցելիս եղել։ Տուժողը նույնպես դատարանում նիստի մասնակցելու կապակցությամբ է դատարանում գտնվել։ Թե ինչն է միջադեպի պատճառը, մեզ դեռևս հայտնի չէ:
Նշենք, որ դեպքի առթիվ քրեական վարույթ է նախաձեռնված սպանության փորձի հոդվածով։
Արաքս Մամուլյան
