13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
«Գազայում հիվանդանոցին հարվածը, կարծես թե, Իսրայելը չի հասցրել»․ Ջո Բայդեն
Քաղաքականություն
18.10.2023 | 14:07
ԱՄՆ նախագահ Ջո Բայդենը և Իսրայելի վարչապետ Բենիամին Նեթանյահուն հանդիպել են Թել Ավիվի օդանավակայանում։
Իսրայելի հարավում գտնվող «Բեն Գուրիոն» օդանավակայանում նախագահական ինքնաթիռի վայրէջքից մի քանի րոպե անց օդային հարվածի ազդանշան է հնչել, հաղորդում է CNN-ը։
Ջո Բայդենի ազգային անվտանգության հարցերով խորհրդական Ջոն Քիրբին հայտարարել է, որ նախագահը չէր կարող չմեկնել Իսրայել՝ իր դաշնակիցների համար այդքան դժվար պահին:
Միևնույն ժամանակ, ըստ Քիրբիի, թեև Սպիտակ տան ղեկավարը ժամանել է որպես ընկեր, նա մտադիր է Իսրայելի ղեկավարությանը մի շարք կոշտ հարցեր ուղղել, մասնավորապես՝ Գազայում գործողության և պաղեստինցի խաղաղ բնակիչների ճակատագրի վերաբերյալ։
Վարչապետ Բենիամին Նեթանյահուի հետ երկկողմ հանդիպման ժամանակ նախագահ Ջո Բայդենն Իսրայելի կառավարության ղեկավարին ասել է, որ Գազայի հիվանդանոցի մահացու ռմբակոծությունը «կարծես, արվել է ոչ թե Իսրայելի, այլ մյուս կողմից»:
«Բանն այն է, որ ես խորապես վշտացած և վրդովված էի երեկ Գազայի հիվանդանոցի պայթյունից, և իմ տեսածի հիման վրա թվում է, թե դա արել է մյուս կողմը, ոչ թե դուք։ Բայց կան բազմաթիվ մարդիկ, ովքեր համոզված չեն, ուստի մենք շատ բան ունենք անելու, պետք է շատ բաներ հաղթահարենք»,- ասել է նա։
Գազայի իշխանությունները հայտարարել են, որ Իսրայելը կանգնած է հիվանդանոցում ողբերգական պայթյունի հետևում, մինչդեռ Իսրայելի պաշտպանության ուժերը հայտնել են, որ իրենց հետախուզությունը ցույց է տվել, որ պաղեստինյան «Իսլամական ջիհադ» խմբավորման կողմից «չհաջողված հրթիռի արձակումն» է պայթյունի պատճառը, որը հարյուրավոր մարդկանց կյանքեր է խլել։
