02.11.2024 | 15:28
ԱԺ հանձնաժողովի անդամները մասնակցել են ԵՄ խորհրդարանների ԵՄ հարցերով հանձնաժողովների համաժողովին
Շոլցի ինքնաթիռը տարհանվել է Թել Ավիվում հրթիռային հարձակման պատճառով
Քաղաքականություն
18.10.2023 | 13:33
Գերմանիայի կանցլեր Օլաֆ Շոլցի ինքնաթիռը տարհանվել է Թել Ավիվում հրթիռային հարձակման պատճառով։ Այս մասին հայտնել է Die Welt պարբերականի գլխավոր խմբագրի տեղակալ Ռոբին Ալեքսանդերը, որը եղել է Իսրայելում գերմանական պատվիրակության կազմում, փոխանցում է DW-ի ռուսական ծառայությունը։
Նրա խոսքով՝ հոկտեմբերի 17-ի երեկոյան, երբ Շոլցի ինքնաթիռն արդեն պատրաստվել է թռչել Կահիրե, Թել Ավիվում օդային հարվածի ազդանշաններ են հնչել։ Ամբողջ պատվիրակությանը խնդրել են շտապ հեռանալ ինքնաթիռից և պառկել գետնին։
Հաղորդվում է, որ Գերմանիայի կանցլերը վազել է մոտակա կոնտեյների մոտ, որտեղից էլ գնացել է օդանավակայանի շենքի անվտանգության սենյակ։ Նա կարողացել է անձամբ տեսնել, թե ինչպես է Իսրայելի «Երկաթե գմբեթ» հակաօդային պաշտպանության համակարգը որսում երկու հրթիռ օդանավակայանի վրայով։ Մի քանի րոպե անց բոլոր ուղևորները վերադարձել են ինքնաթիռ, և այն թռել է Կահիրե:
Շոլցն առաջին եվրոպացի առաջնորդներից է, որն այցելել է Իսրայել ՀԱՄԱՍ-ի հարձակումից հետո։
Էմմա Չոբանյան
