02.11.2024 | 15:05
«Գոյ» թատրոնը կվերսկսի իր բնականոն աշխատանքը
Իսրայելը տեսանյութ է հրապարակել, ըստ որի՝ հիվանդանոցին հարվածել է Գազայից արձակված հրթիռը
Քաղաքականություն
18.10.2023 | 12:10
Իսրայելի պաշտպանության բանակը տեսանյութ է հրապարակել, որը, ըստ գերատեսչության, ապացուցում է, որ Գազայի հիվանդանոցը ոչնչացվել է Գազայի հատվածից արձակված հրթիռից։ Ըստ իսրայելական բանակի տվյալների, հոկտեմբերի 7-ից մինչ օրս Իսրայելի ուղղությամբ արձակված ՀԱՄԱՍ-ի շուրջ 450 հրթիռ ընկել է հենց Գազայում, գրում է DW-ի ռուսական ծառայությունը։
Տեսանյութում համեմատվում են Ալ Ահլի հիվանդանոցի արբանյակային պատկերները ողբերգությունից առաջ և հետո: Իսրայելի պաշտպանության բանակը ուշադրություն է հրավիրում խառնարանների բացակայության վրա, որոնք անխուսափելի են ավիահարվածի դեպքում։ Նրանք նաև մեղադրում են ՀԱՄԱՍ-ին զոհերի մասին տեղեկությունները ուռճացնելու մեջ։ Իսրայելի բանակի ներկայացուցչի խոսքով՝ ՀԱՄԱՍ ահաբեկչական խմբավորումը մեղադրել է Իսրայելին հիվանդանոցի վրա հարձակումից անմիջապես հետո, երբ պայթյունի պատճառը դեռ պարզ չէր։
Իսրայելական զինվորականները նաև հայտնել են, որ գաղտնալսել են ՀԱՄԱՍ-ի ներկայացուցիչների միջև հաղորդակցությունը, որտեղ խոսվում է Գազայի հատվածում արձակվելուց հետո ընկած հրթիռի անսարքության մասին։
Հիշեցնենք՝ հոկտեմբերի 17-ի երեկոյան Գազայի Ալ-Ահլի հիվանդանոցում պայթյուն է տեղի ունեցել, որի հետևանքով, ըստ տարբեր տվյալների, զոհվել է 200-ից 500 մարդ: ՀԱՄԱՍ ահաբեկչական շարժումը հարձակման պատասխանատվությունը դրել է Իսրայելի վրա։ Հորդանան գետի Արևմտյան ափին սուգ է հայտարարվել։ Հակաիսրայելական զանգվածային ցույցեր են տեղի ունեցել մահմեդական մի շարք երկրներում, այդ թվում՝ Թուրքիայում։
