Քաղաքականություն
17.10.2023 | 19:56
ՀՀ վարչապետ Նիկոլ Փաշինյանն աշխատանքային այցով Ստրասբուրգում է. այսօր նա ելույթ է ունեցել Եվրոպական խորհրդարանում, իսկ մինչ այդ հանդիպել է Եվրոպական խորհրդարանի նախագահ Ռոբերտա Մեցոլայի հետ։
Վարչապետը ֆեյսբուքյան իր էջում տեսանյութ է տարածել Եվրոպական խորհրդարանի նախագահի հետ հանդիպումից: Կադրերում երևում է, որ Փաշինյանը Ստրասբուրգ է մեկնել դուստրերի հետ: Վարչապետը նաև Եվրոպական խորհրդարանի նախագահին հանդիպելիս է ասում, որ իր երեք դուստրերի հետ է եկել։ Եվրոպական խորհրդարանի նախագահը բարևում է աղջիկներին, հարցնում անունները։
Ուշագրավ է, սակայն, որ Ֆրանսիայի Հանրապետություն մեկնող պատվիրակության կազմում Փաշինյանի երեք դուստրերի մեկնելու մասին խոսք չկա։
Հիշեցնենք, որ Գրանադա այցի ժամանակ էլ Փաշինյանին ուղեկցում էր ավագ դուստրը՝ Մարիամ Փաշինյանը։
Արփի Հակոբյան
