16.12.2025 | 20:30
ՀԿԿ-ն պնդում է՝ փաստաբանը 2 միլիոն դրամ կաշառք է վերցրել, որ տա դատավորին,բայց դատավորը մեղադրյալ չէ. ՏԵՍԱՆՅՈՒԹ
Մարիամ Փաշինյանը ևս Գրանադա էր մեկնել․ նրա անունը պատվիրակության կազմում չկա
06.10.2023 | 13:05
Հոկտեմբերի 4-5-ը Նիկոլ Փաշինյանն աշխատանքային այցով իսպանական Գրանադա քաղաքում էր։ ՀՀ վարչապետի որոշման մեջ նշվում է, որ Իսպանիայի Թագավորություն մեկնող ՀՀ կառավարական պատվիրակության կազմում ընդգրկված է եղել նաև Իսպանիայի Թագավորությունում ՀՀ արտակարգ և լիազոր դեսպան Սոս Ավետիսյանը։
Գրանադա մեկնած պատվիրակության կազմում նշված չէ Փաշինյանի ավագ դստեր՝ Մարիամ Փաշինյանի անունը։ Մինչդեռ, Գրանադայի Կառլոս 5-րդ պալատում պաշտոնական ընթրիքին Մարիամ Փաշինյանն ուղեկցել է վարչապետին։
ՀՀ կառավարության տարածած հաղորդագրությունում նշվում է՝ «Եվրոպական քաղաքական համայնքի երրորդ գագաթնաժողովի բարձրաստիճան հյուրերին դիմավորել են Իսպանիայի թագավոր Ֆիլիպ 6-րդը և Լետիսիա թագուհին: Հյուրերին ողջունել է Իսպանիայի վարչապետ Պերդրո Սանչեսը»։ Նաև նշվում է, որ Նիկոլ Փաշինյանի աշխատանքային այցն Իսպանիա ավարտվել է։
Հաղորդագրությանը կից նաև լուսանկարներ են տարածվել։
Արդյո՞ք Մարիամ Փաշինյանը Գրանադա մեկնած Նիկոլ Փաշինյանի գլխավորած պատվիրակության հետ է եղել․ հարցերի պատասխանները վարչապետի խոսնակից և աշխատակազմի Տեղեկատվության և հասարակայնության հետ կապերի վարչության պետից ճշտել չհաջողվեց․ մեր հեռախոսազանգերն անպատասխան մնացին։
Արփի Հակոբյան
