24.07.2026 | 12:10
ՌԴ-ն հուլիսի 27-ից կարգելի Հայաստանից կաթնամթերքի ներմուծումը // Ծառուկյանին կրկին հարցաքննում են․ ԼՈՒՐԵՐ
Թուրքիան հայտնել է Իսրայելում երեք քաղաքացու կորստի մասին
Քաղաքականություն
17.10.2023 | 21:35
Անկարայում Իսրայելի դեսպանատունը հայտնել է, որ հոկտեմբերի 7-ին ՀԱՄԱՍ-ի գլխավորած խմբավորումների հարձակման հետևանքով սպանված Թուրքիայի քաղաքացիների թիվը հասել է երեքի, գրում է Gerceknews-ը։
Ավելի վաղ դեսպանատունը հայտարարել էր, որ հարձակման հետևանքով սպանվել է երկքաղաքացի, իսկ Թուրքիայի մեկ այլ քաղաքացուց լուր չկա։
Ավելի ուշ Թուրքիայի ԱԳՆ-ն հաստատել էր, որ թուրք-իսրայելական երկքաղաքացի է զոհվել։ Մահացած Թուրքիայի քաղաքացին էլ 52-ամյա Ավրաամ Ավի Զակուտոն է, որը Իսրայելում բնակություն է հաստատել 1972 թվականին։
Դիվանագիտական ներկայացուցչությունը նաև հայտնել է, որ 40 երկրի 196 քաղաքացի է զոհվել, 96 օտարերկրյա քաղաքացիներ էլ դեռևս անհետ կորած են համարվում։
Էմմա Չոբանյան
