17.12.2025 | 12:45
Ավինյանի անունը հանել եմ, նույնաբովանդակ հաղորդում ներկայացրել, քրեական վարույթ է հարուցվել․ Չախոյան․ ՏԵՍԱՆՅՈՒԹ
Թուրքիայի ԱԳ նախարարը ՀԱՄԱՍ-ի ղեկավարության հետ քննարկել է գերիների ազատ արձակման հարցը
Քաղաքականություն
17.10.2023 | 14:41
Թուրքիայի արտաքին գործերի նախարար Հաքան Ֆիդանը և ՀԱՄԱՍ-ի քաղաքական բյուրոյի ղեկավար Իսմայիլ Հանյեն նախօրեին տեղի ունեցած հեռախոսազրույցի ընթացքում քննարկել են Գազայի հատվածում պահվող քաղաքացիական պատանդների ազատ արձակման հարցը, գրում է Al Monitor-ը։
Հաղորդվում է, որ կողմերը քննարկել են «Պաղեստինում վերջին զարգացումներն ու քաղաքացիական անձանց ազատ արձակումը», որոնք պահվում են ՀԱՄԱՍ-ի կողմից։ Այլ մանրամասներ չեն ներկայացվում։
Այս հեռախոսազրույցը թուրք բարձրաստիճան պաշտոնյայի և պաղեստինյան զինյալ խմբավորման առաջին հրապարակային հանրային շփումն է հոկտեմբերի 7-ին Իսրայելի վրա ՀԱՄԱՍ-ի աննախադեպ հարձակումից հետո:
Ենթադրվում է, որ խմբավորումը Գազայում պահում է առնվազն 199 մարդու, այդ թվում՝ քաղաքացիական անձանց։ Թուրքիայի նախագահ Ռեջեփ Թայիփ Էրդողանն էլ անցյալ շաբաթ հայտարարել էր, որ իր կառավարությունն ինտենսիվ աշխատում է բոլոր կողմերի հետ՝ պատանդներին ազատ արձակելու համար։
Էմմա Չոբանյան
