24.11.2024 | 14:02
Ավտոմեքենայի դուռը փակվել է, 1-ամյա երեխան մնացել է ներսում․ օգնել են փրկարարները
Իրանի ԱԳ նախարարը հնարավոր է համարել առաջիկա ժամերին Իսրայելի դեմ կանխարգելիչ միջոցների ձեռնարկումը
Քաղաքականություն
17.10.2023 | 13:28
«Դիմադրության առաջնորդները» թույլ չեն տա Իսրայելին որևէ քայլ ձեռնարկել Գազայի հատվածում, առաջիկա ժամերին նախատեսվում է կանխարգելիչ միջոցառումներ ձեռնարկել։ Այս մասին հայտարարել է Իրանի արտգործնախարար Հոսեյն Ամիր Աբդոլլահիանը, փոխանցում է IRNA-ն։
«Ցանկացած հնարավորություն ընդունելի է»,- ասել է նա՝ պատասխանելով Իրանի՝ հակամարտության մեջ ներքաշվելու հնարավորության մասին հարցին: Աբդոլլահիանի խոսքով՝ «Հըզբոլլահի» առջև նույնպես դրված են «բոլոր հնարավոր տարբերակները և սցենարները»:
Իրանի ԱԳՆ ղեկավարն ասել է, որ Իսրայելը «թիրախավորել է տարածաշրջանի ամբողջ անվտանգությունը»։ Նա ընդգծել է, որ եթե «Իրանը չպաշտպանի Գազայի հատվածը, ապա հետո ստիպված է լինելու ապահովել իր քաղաքների անվտանգությունը»։ Աբդոլլահիանը կարծիք է հայտնել, որ եթե այժմ քայլեր չձեռնարկվեն, ապա վաղը «ստիպված կլինեն կռվել Բեյրութում սիոնիստական ուժերի դեմ»։
Դիվանագետը նաև մեղադրել է Իսրայելի վարչապետ Բենիամին Նեթանյահուին թուլության մեջ՝ նշելով, թե նա երկարացրել է հակամարտությունը։
Հոկտեմբերի 16-ին Իրանի Ազգային անվտանգության և արտաքին քաղաքականության խորհրդարանական հանձնաժողովի ղեկավարի առաջին տեղակալ Էբրահիմ Ազիզին ասել էր, որ Իսրայելի կողմից Գազայի հատված ներխուժելու դեպքում երկրի դեմ կարող են հայտնվել «նոր ռազմական ճակատներ»:
