18.12.2025 | 15:06
Արման Ծառուկյանը՝ Բայդուլաևի դեմ մենամարտում տհաճ միջադեպի մասին․ ՏԵՍԱՆՅՈՒԹ
Ուժի կիրառումն անընդունելի է․ ԱՄՆ Պետդեպը՝ Ստեփանակերտ Ալիևի այցի մասին
Քաղաքականություն
17.10.2023 | 13:00
ԱՄՆ-ը հայտարարում է, որ խորապես մտահոգված է Ադրբեջանի և Հայաստանի միջև չլուծված քաղաքական, տնտեսական, հումանիտար և անվտանգության հարցերով։ Այս մասին ադրբեջանական Թուրան գործակալության թղթակցին ասել է ԱՄՆ Պետքարտուղարության պաշտոնյան՝ պատասխանելով Ադրբեջանի նախագահ Իլհամ Ալիևի՝ Ստեփանակերտ կատարած այցի մասին հարցին։
«Մենք շարունակում ենք կոչ անել երկու երկրների ղեկավարությանը՝ հասնել արժանապատիվ և տևական խաղաղության, որտեղ կհարգվեն բոլորի իրավունքները։ Ինչպես արդեն ասել ենք՝ ուժի կիրառումն անընդունելի է, իսկ ուղիղ երկխոսությունն անհրաժեշտ է, և այս ձգձգվող հակամարտությունը կարգավորելու համար անհրաժեշտ է ուղիղ երկխոսություն»,- ասել է Պետքարտուղարության ներկայացուցիչը։
Նա հավելել է, որ ԱՄՆ-ը շարունակում է աշխատել ու աջակցել Հայաստանին։
«Մենք շարունակում ենք աջակցել Հայաստանի կառավարության ջանքերին՝ սերտ համակարգմամբ մարդասիրական կազմակերպությունների հետ՝ օգնելու տեղահանվածներին ապաստան և հարմարավետություն գտնել Հայաստանում: Մենք կարեկցում ենք տեղահանված մարդկանց՝ իմանալով, թե ինչ ցնցում ու տրավմա են նրանք ապրում և ինչ անորոշություն են բախվում»,- նշել է ամերիկացի պաշտոնյան։
Էմմա Չոբանյան
