23.02.2026 | 23:30
Ադրբեջանը նույնպես հետաքրքրություն է հայտնել Եվրոպական խաղաղության գործիքակազմի շրջանակներում օգնություն ստանալու հարցում
Թեհրանի համար կարևոր է խաղաղությունն ու կայունությունը Կովկասում․ Իրանի ԱԳՆ
Քաղաքականություն
16.10.2023 | 18:44
Իրանի ԱԳՆ խոսնակ ճեպազրույցում Նասեր Քանանին անդրադարձել է Հարավային Կովկասում իրավիճակին։ IRNA-ի փոխանցմամբ՝ նա, մասնավորապես, անդրադարձել է, իբր, ԱՄՆ պետքարտուղար Էնթոնի Բլինքենի արած հայտարարություններին, թե առաջիկա շաբաթներին Ադրբեջանը կարող է հարձակվել Հայաստանի վրա։ Նշենք, որ նման տեղեկություններ տարածել էր Politico-ն, որը հետագայում հերքվեց Պետքարտուղարության կողմից։
«Ադրբեջանցի գործընկերները պետք է պատասխանեն այս հարցին, սակայն մեզ համար կարևոր է խաղաղությունն ու կայունությունը Կովկասում։ Մենք խնդիրների լուծման միակ ճանապարհը համարում ենք տարածաշրջանային մեխանիզմը»,-ասել է Քանանին։
Նա հավելել է, որ տարաձայնությունները պետք է լուծվեն դիվանագիտական ճանապարհով, որը օգուտ կբերի տարածաշրջանի բոլոր երկրներին։
Էմմա Չոբանյան
